Kembang Rampe Kasusastraan Bali Purwa Wewidangan I Buku II/Geguritan Brayut

by I Gusti Ngurah Bagus miwah I Ketut Ginarsa

[ 65 ]

1.21 GEGURITAN BRAYUT

Puh Sinom

1. Luih ke mareringgitan, manganca bisa anyatri, ngendek kecepuk wir angrong, lang ah ia ada nandingin, yen kal nyake mipríd, lubeng kaot cepuk madu, aukelane mabe-ngad, ceracape buka tulis, yen tetungkul, recah balung mandalika.
2. Ngendek kene bakal bikas, angsane len gula milir, manuk dewata pepenyon, sumagunane marakat, buka tong ira imbih, ya ke nanggap upah nunun, kambene kapatihan,pandan kanyop ia ke santri, jawat singub, manggis rempuh karasikan.
3. Yen manegakang baju mas, bias membah yen ginijing, ka adukang sebit andong, laan limane maingid, ia ke canang kawi, saput cempaka sawakul, yan tangi karang gonjeng, mega mendung ke surindit, suba luung, makejang sabikas-bikas.
4. Yen mangendek ke Bedbedan, nene bakal anggon tapih,cecampakane jua anggo, pepatolan paku liking, sabikas bikas tapih, buka tidong nira kengguh, ia ke nunun kekasang, anggon tutuhe di jani, buka telun, pragatia angan limolas.
5. Luih gunane manyulam, banyumas anggon nerapin, tutuh nyane sutra ijo, sutra barak ke yen tangi, terapang patra sari, karang simbar yen bentulu, yan nganggo rerentengan, dabdab alus buka tulis, gedah rempuh, ngen paplok kumaranyab.
6. "Tidong san nira mamobab, mangaku bisa di jani,dugas nirane nu nyom, tidong buka kalijani, I Brayut nu cenik, enggalan adinnya liu, pada tong dadi tagok, nira makulang-makaling, mincang-mincang, ngayahin makrecangan".
7. Mapa magae di benang, tungkul ngidem manakan beling,buka tong taen karuron, lekad idup pacelicih, gregetan dadi pedih,makita nyadak manguut, mangalihang [ 66 ]
   1. balian epot, pan Burayut mituturin, "Siu naun, nerakannyane temuang".

8. "Jani todong nira likad, kene salah keto pelih, yen nira paksa nrodos, katon tani ngidep munyi, ne buka kalijani, kadondonan tani mampuh, nyen jua ne kasalahang, pan Burayut kayang jani, bas kadurus, uling bau pangantenan.
9. Bas mangae san tuturan, kuate maningeh munyi, wangkidina pisan pindo, yen kapisaga malali, teka tuah mangembusin, tampar yen dapetang nunun, yen nira sedek di paon, yen nira ngendihang api, tuah nrungkuk, tong dusin buung manyakan".
10. Keto munyinnyane pongah, nanangan mangalih tangkis, "Ya manguda Siga keto, yen kola salahang Naní, tuah Siga ko di jani, mangidam mang amah yuyu, ia ke manakah kento, singnya ia manglalahin, sangkan liu, panake makrenyedan".
11. Dadi enduh makadadua, pada manglegaang ati, tan kocap suba makelo, pianaknyane pada kelih, to ne muani-muani, masekaya pada mampuh, pada mangidep badah, ne luh-luh pada kelih, ayu-ayu, liu anake nyaumang.
12. I Pemayun ne kocapan, bas melas ngenyudang ati, boke agaliwatin wangkong, alise tajep maingid, ules masawang tangi, madapan angsane ungu, yen nyerere maliat, maseledet buka tatit, yan matemu, pepantese tuah dreman.
13. Luih Gonane madenan, bas melas mangalik-alik, mangranyab rawit bonyo, untune mangiwang endih, ngeredep buka tatit, tetingale nunjung biru, alis tajep mabengad, ngasorang kampid surindit, ulat rengu, kenyunge manis malenyad.
14. Bane ayu kadaatan, ne Nyoman tuara nandingin, boke samah mangerebo, langsing lanjar sada aring, awak ngurangka ramping, muannyane molok lumlum, buka bulan purnama, matetingale kaduk bangkit, ules lembut, madapan angsoka liman.
15. Nyai Ketut ne kelihan, ulese magatra wilis, boke samah

[ 67 ]

1. tur ijo, palane neraju pasti, nyonyone bunter rawit, bulun matane marabu, alis tajep mabengad, sing rarasang ngonya becik, manglelier, tan pendah bintang Kartika.

16. Nyamannyane ne cerikan, patpat pada bangkit-bangkit, lamiad-lamiad pada meros, lanjar-lanjar ramping-ramping, ules masawang gading, nyambang nyampuh putih lembut, masawang may ang, selem sedep pada bangkit, angelempung, tan kasor raga ngalunggang.
17. Ne paling Ketut mangonyang, melahe masasawang sasih, kapat ujane mengeloh, yeh matan trunane sedih, kasmaran buka mati, gelum peteng ati limut, ne tumben maliat, maseledet buka tatit, krug rame, munyin anake ngaokang.
18. Muane mulan purn ama, gumiwang ngebekin langit, atin terunane lodoh, ngenya cucur tada asih, pada mangasih-asih, di pasasang an mangrumrum, baya I Mirah kento, dewaning madu apasih, gunung gula, lebur juruh atukad.
19. Liu pisaga ngaokang, makeengan luh muani, baan bagiannyane kaot, ngamah jukut pesu nasi, ne odah luh muani, buka toug maji tetelu, baya mangoyang brata, mamuja smara di jani, sangkan ayu, pianake mangayang-ayang.
20. Sedeng tuah pada gaokang, pianaknyane muani-muani, gobannyane pada kaot, I Wayahan to ne kumis, selem masawang tangi, ulese makenyab lembut, pajalane manuak, ulate galak amanis, tuah bagus, pantes anggen truna mamas.
21. Luih gobane Madenan, yenya masaput sabagi, buka merake mangilo, jangjang jamprah rebo raris, talikuran tur kumis, jemponge samah mangemik, pamulu bangbang awak, manyelang tandange asin, manulengek, tindake buka malecat.
22. Bane bagus kadaatan, ne Nyoman tuara nandingin, jejambulane magendol, langsing lanjar sada miring, pajalane anggenya asin, matandang cara ler gunung, pamulune manyandat, talikuran buka tulis, matulale, kumise nyelem mabengad.

[ 68 ]

23. Muah I Ketut kelihan, muane buka cawiring, magambahan boke rebo, marengat matane endih, makenyab buka tatit, tandange buka manyaup, ia gede ganggas jenggot, beris tangkahe tur kumis, bagus aeng, gobane memper atmaja.
24. Patpat nyamane cenikan, ulese masawang gading, len nyandat madapan poh, selem-selem pada langsing, yan tandang tan patanding, gobannyane bagus-bagus, liate pakanyabnyab, talikuran pada kumis, matulane, jejambulane magenal.