Kaca puniki kavalidasi
WAYANG
ring jagat pwayangan
sampun kaloktah
magenepan goban wayang
pangangge uparengga
kelir putih waluya jagat
damar nyunarin
makrana wayange idup
waluya imba manusa
ring mercapada
sangkan ada kene-keto
manut kawisesan dalang
pascat ngigelang
belulang maukir
(Denpasar, 19-7-2002)
LELAMPAHAN
sajroning darma paigelan
uger-uger sampun janten
kalangan pinaka wates
sang manonton
asing kaucap
tan dados
unggahan raos kasisi
beladbadan sasindiran
pangopet cecacadan
wantah manut lampahan
punika manut ring
sang masolah
pregina sami.
(Denpasar, 19-7-2002)
28
