Kaca puniki kavalidasi
BUTA BONGOL
mula keweh
masidikara ngajak
jadma tan pangsara
tusing bisa nakeh
tur nampenin
munyin timpal
beneh pelihe
aduk sera aji keteng
keneh kukuh
tusing pesan
mabudi malajah ngawenang tongos
nyama braya
jeg kenehe apang majalan
sajaan,...
jadma buta bongol
(Denpasar, 19-7-2002)
MACARU
rikala sasih kanem
maciri jagate
cicing ngulun-ulun
saling sautin
tengai tepet
sandikala
sabilang wengi
jadma manusa jejeh
gumatat gumitite
bregala
iringan Ratu Dalem Nusa
turun ke Bali
mawinan mangda tragia
ngaturang pacaruan
ring pempatan
suwang-suwang umah
mangda sadia rahayu.
(Denpasar, 19-7-2002)
29
