DONGKANG NGENGKIG
Maciri kaliyugane
jagate nemu
pangalikan masa
saisin gumi madukan
kaja-kelade singsal
bongkol muncuke saru
apan
panglokika jadmane
sami pada nyamping
mamrih kasukan awak
pangindra jala upaya
sandi kaarepang
tan wenten mangunadika
paras-parose ical
kukuh mabudi tungkas
ngawe brangti satata
tan kandapan
ring sebeng, tangkis
lan pakrunan
mawinan tan papegatan
pakewuh jagate
kapanggih antuk
i panjak
wit saking
pangreh prajane
malaksana
cara ipun
I dongkang ngengkig.
(Denpasar, 22-5-2002)
BERUK SILEMANG
Brakbak-brokbuk
suarane tan makatihan
sang mirengang
tan wenten pisan
sida negesang
apan wantah nista
ring pangucap
nenten manut
uger-uger pakrunan
medal saking
pikayun runtag
maadukan
kateba kasanggah
pati sabsab
tan eling ring
raga jugul
mapi-mapi pascat
mawirasa
utawi
mapaweweh
naya upaya
sakewanten
nenten manu!
ring wicara
sane kabawasang
kalintang nirdan.
(Denpasar,21-5-2002)
21
