LALIS LAMPUS
Yan prade caritayang
kasangsaran idupe
nganti kelih
jadmane presaja
liunan ane
tusing telah
baan nyuratang.
lemah peteng
bulanan, tibanan
satata manemu
duka lara
kageringan
kasemsemang
kasepekang
tan pakadang
mirib joh
widine malinggih
asep dupane
punah
atur sembahe singid
suecan titahe
pucah
melahan suba
ngemasin
mulih lalis
kakarang wayah.
(Denpasar, 12-12-2001)
DHARMA PATUT
Yan suba
matindihin ane beneh
mula langah
jadmane presaja
liunan ane
kladkad-kildkid
ngalimpeng lawut hilang.
sajroning makrama
tusing ada
mapituwi seken
makejang
ngekoh ngomong
yan ya ngomong
mapi-mapi prawira wanen
mamuny i rame
tan matuktuk
mabongkol.
ane seken
teleb teken
kepatutan
bani matoh
urip
tuwah aukud
dadua
buwine tusing
satata ipun
di arep
enu matilesang
raga
sajroning makruna
apa buwin
malaksana
satata madasar
dharma patut.
(Denpasar, 12-12-2001).
16
