Makudang-kudang Drama Bali
Ngudiang ngame-ngame, ya, I Wayan Kobar. Tawang Nyoman ... suba liu, ya, macundangang anak luh."
Nyoman Dangin : "Ih ... Gede Yadnya! Dadi juari pongah iba ngambatin keneh kaine. Kai mula dasar ring demen... apa ada."
Gede Yadnya : "Aduh, Nyoman, sayang baan Bli. Janten suba Nyoman tetenan kalimburan. Kena pangindra jala pasti Nyoman."(sinambi ipun Gede Yadnya sedih mangilgilang)
Bapan Nyoman Dangin : "Uduh, Cening, Gede! Tumusang pesan tresnan Gedene olas asih tekening Bapa. Gegeson Bapa ngetut pajalan pianak Bapane, gumanti nambakin ... to keto, Gede." (magelut reke sareng kalih, sedih manyedihang lampah ipun Ni Nyoman Dangin linglung buduh paling)
Nyoman Dangin : "Ih, ne te ajak dadua! Da gampang lakar melat karman anak. Ne Ni Nyoman Dangin suba nyadia mati yen sing sida macepuk ajak I Wayan Kobar."
Wayan Kobar : "He, he, he, he .... Aaaaa ha,ha, ha, cai jlema campah, ngaku sadu iba makedadua ... yet kenkenang iba ... pasti Nyoman Dangin nyerah, kodagang kai."
Nyoman Dangin : "Bli ... Bli Wayan ...." (kandugi Ni Nyoman Dangin matimpuh nyerahang dewek)
Wayan Kobar : "Nyoman,mas juwitan Bli,I Dewa. Jalan mulian ajak Bli. Uduh batun matan Bline, Nyoman." (sinambi karas gegesonan) Nyingak indike asapunika, tan dugi-dugi remuk atin sang mangatonang,irika raris I Gede Yadnya sareng bapanipun, Ni Nyoman Dangin nluju pasraman dane I Dukuh,tur matur....
Bapan Nyoman Dangin : "Singgih, sira sang Dukuh! Pidaging nawegang titiang nunas urip. Pianak titiang, Ni Nyoman Dangin,kaapus kabencanan,keni pangindra jala, jantosipun buduh paling, singgih Sang Dukuh."
78
