I Drama Gong
saha raos....)
Gede Yadnya : "Bapa, Nyoman, lakar pamitin tiang! Mani buin tiang mai mlali."(raris durung wenten apakpakan base, ngentah sampun Ni Nyoman Dangin ngame-ngame I Wayan Kobar)
Nyoman Dangin : "Bli Wayan....Bli Wayan!Aaaaaaah, ha,ha,ha.... Juang suba tiang...juang suba tiang ...."(ngarod ipun Ni Nyoman Dangin nangis masesambatan)
Bapane :"Man,Nyoman! Melah-melahang anake kenehe. Ngudiang keto...."
Nyoman Dangin : "Aduh,aduh....Bapa,Bapa,jag sing asen tiang keto,Bapa.... Cicing I Wayan Kobar, ngagen gati iba nagih masomah ajak kai, nden malu, nden malu...."
Nyoman Dangin : "Bli, Bli, Bli, Wayan Kobar! Juang tiang, da, makelo .... ih, ih, ih, ih .... Alih tiang, Bli, mai! Alih tiang...."
Bapane : "Uduh,Ratuuuuu!Ngudiang tiang kene... singapa kewehe dogen ane kenehang.... Nyen,sih, anake olas, tulung teken tiang, Dewa ...." (sapunika bapanipun Ni Nyoman Dangin maseselan, jag kadi gedah, pecah manahipun)
Ni Nyoman Dangin : "Bli, Bli Wayan ... papagin tiang, Bli ... juang tiang enggal-enggal, Bli, Bli Wayan Kobar?" (sapunika nganyih-nganyih ipun Ni Nyoman Dangin kalimburan, buduh paling kengin kadaut antuk I Wayan Kobar saking jumah ipun)
Gede Yadnya : (Gede Yadnya gegancangan mapag, mangda, mangda tan durus jaga kablegandang olih ipun I Wayan Kobar) "... Nyoman, nguda keto, Nyoman? Inget-ingetang ragane,Nyoman."
Nyoman Dangin : "Ha,ha,ha,ha... haaaaaaaaa ha,ha... aduh,aduh ... Bli Wayan ... cingak tiang, Bli... juang tiang enggal Bli Wayan...."
Gede Yadnya : "Nyoman!" (sinambi banggras, tur kaambil tanganne Ni Nyoman Dangin)
77
