|| Drama Bali Anyar
paundukan buka kakéto, makurenan, palas. Makurenan buin palas. Apang karo belah ngalih somah. Apang karo belah palas. Yén suba kéto apa korahang ibané. Dekdek liget. Nyag gajur guminé. Yén Bapa inget tekén unduké ené,
mauled basang Bapané. Dadi ada paundukan jelé kakéto. Paundukan ané tusing sedeng tiru. Paundukan beberekan."
Sari : "Yén tiang, (mendep ajahan) demenan ngoyong di kota."
Kobar : "Uduh, Lacur. Buin Ketut salah pengertian."
Sari : "Dini iraga lacur."
Kobar : "Lacur? Bah nyangetang pelih. Karasa baan Bapa né dong lacur adané. Saja tiwas brana, nanging keneh Bapané aget tur sugih. Lega Bapa. Legané ento pinaka kasugihan sujati."
Sari : "Yén dini ngoyong sinah iraga tusing maju-maju. Yen di kota liu kesempatan malajahang déwék. Asal nyak tuyuh minab tusing nganti tusing nyakan. Kota pinaka sumber ilmu. Sekolah liu. Dini?Tamat sekolah dasar pragat. Suba kéto ngantiang ngelah somah. Belogé bakat gandong ideh-ideh."
Kobar : "Bah, Ketut ngipi."
Sari : "Dadi kéto?"
Kobar : "Begbeg dadi kéto. Dadi kéto. Dadi kéto. Yén ngoyong di kota patuh tekén ngejotang bangké. Bes kéto liun hondané. Petang dina Mén Sasih mati tomplok montor. Kaki Sénter lung batisné lilig Honda. Panak Diréktur Bongol mati ngebut. Yén dini aman. Tusing ada ngusik. Yén di kota, tulén makita matomplok."
Sari : "Ento lepetan adané."
Kobar : "Nyén ngorahang dong lepetan?" Lepetan alih. én dini apa nomplok. Paling-paling tomplok bikul. Sangkal Bapa melid. Masuk musti majalan di sisi. Bajang-bajangé jani liunan belog ajum.
227
