Makudang-kudang Drama Bali
umahé melah-melah. Bajang-bajang jegég. Ada bioskop. Ada toko-toko, kantor-kantor. Bapalas pesan ninggal I Kakiané nyayangang Bapa. Kénkén, ya sedih ragané kalahin Bapa?"
Kobar : "Belog. Né mara anak belog. Bapa tusing demen sayanganga. Bapa dot bébas cara kedis. Bapa tusing demen ngoyong di umahé gedé, sakéwala tusing dadi mamesu. Makurung peteng lemah. Nasi majemakan. Né, ngajahin panak manying adané. Bapa tusing demen ningalin solah idup anaké di kota. Setata mairi-irian. Saling ngédéngang kasugihan. Belog ajum. Ngangkuhang idup padidi-padidi. Asal déwéké betek, timpalé nyak kénkén nyak tusing. Tusing nawang adan banjaran. Ketut nawang, lénan tekén ento,Bapa suba med ningeh dadong Ketuté setata mauyutan ngajak somah. Ada dogén uyutanga. Kénkénang ngorahang idupé tenang yén suba kéné?"
Sari : (Makenyem).
Kobar : "Dadi makenyem? Tusing ngugu?"
Sari : "Bapa lakar mawali ka kota buin?”
Kobar : "Apa? Malipetan ka kota? Bapa suba tusing dot. Kadong Bapa suba masumpah di déwék Bapané."
Sari : "Melahan di kota."
Kobar : "Tulén ngoyong di kota numbuhang satua imalu. Paundukan berek. Bapa tusing kodag. Tulén ngaé inguh. Bapa bisa buduh. Hé, Ketut, apang Ketut tatas nawang, sesuban kakin Ketuté palas makurenan, kéto masi dadong Ketuté, makadadua jelemané totonan ngalih kurenan buin."
Sari : "Ha?"
Kobar : "Tusing ada nyak kalah. Makejang nagih ngungkulin. Béh, kénkén kadén gedeg basang Bapané dugasé ento. Bapa makutang lén adané. Sangkala jani Bapa tusing ngon. Yén ada ngelah
