|| Drama Bali Anyar
gagaén anak muani. Yén Ketut tugasé di paon.
Sari : "Ah. (Ngalihin semat ané ulung). Dija né ulung. Ah, marérén malu.”
Kobar : "Dingeh Ketut satuan Bapané busan?"
Sari : "Dingeh tiang, Pa."
Kobar : "Nah kéto, ya. (Nyutsutin peluh). Jog lega pesan Bapa, yén suba Bapa di tengah alasétotonan. Bapa med idup di kota. Tusing ngedotin. Liunan gerungan montor. Bapa suba tusing makita ngurusang pabrik kain Ketuté. Ngedegin, tuyuh. Buruhé gedé gati bolné. Uyut. Ah,imalu Bapa anak sayanganga pesan tekén kakin Ketuté. Apa dogén tagih Bapa, ada. Bapa tusing dadi pesu ka rurungé. Sakéwala jeléknékakin Ketuté tusing pesan demen ngoyong jumah. Ada dogén urusa. Ngurus kéné,ngurus kéto.Kakin Ketuté liu ngelah kekasihan. Ada Belanda,ada Jepang, Arab, Cina. Pokokné liu.Kakin Ketuté peteng lemah ngurusang pabrik. Jog ngurusang kasugihan dogén. Lantas Bapa mrasa med ngoyong jumah dogén. Dadi cara bogolan. Gedeg basangé, menggat lantasan.”
Sari : "Satuané melah."
Kobar : “Bapa masumpah. Lakar tusing buin malipetan. Né, keputusan Bapané ané tetep. Hé, demen Ketut madingehang satuan Bapané?"
Sari : "Demen Pa." (Raosé cara anak ngekoh).
Kobar : "Kénkén pendapat Ketuté?”
Sari : "Luung pesan satuan Bapané."
Kobar : "Tameng encéné luung?”
Sari : "Bapa demenan ngoyong dini. Tongosé sepi, lacur buin. Matimpal ombak, matimpal munyin dongkang. Sakéwala dadi kéto Pa? Yén tiang, tiang dot pesan ngoyong di kota. Sekolah paek. Tusing cara dini ngalih sekolahané pitung kilo majalan sawiréh langah montoré. Yén di kota, liu
225
