Makudang-kudang Drama Bali
Kobar : "Ha? Bobab. Da bobab ngajak Bapa. Bapa suba tua. Sakéwala Ketut ngorahang tusing. Ah, pasaut Ketuté tusing jujur. Tusing cocok. Bobab.
Tegarang masaut jujur. Saja Bapa suba tua?"
Sari : "Kéné Pa. Bapa bes kaliwat kenyel. Limané ngejer. Ento makrana céléngé tusing kena. Tusing ulian suba tua."
Kobar : "Oo oo oo oo. Tuah saja kéto. Bapa anak sajaan gati kenyel. Beneh cara raos Ketuté. Bapa peteng lemah magaé. Yén tusing ngalih bé, maboros. Maceki di pisaga nganti semengan. Suba kéto, magehin ketimuné. Bes kéto ubuhan pisagané rusuh gati. Anak saja taén Bapa nganti engsap ngalih nasiyén suba Bapa ngemak gaé. Yén kondisin Bapané normal. Bantas medil céléngé aukud sing nganti Bapa méndoin. Jag bani nyagerang ngaé basa malu. Baan unduké ento, Ketut suba tatas nawang."
Sari : "Saja Pa, sakéwala apa artiné kondisi normal?"
Kobar : "Ah, Ketut belog pesan. Raosé ané kéné tusing perlu Bapa nerangang. Japin bapa nerangang apang karo belah, pedas Ketut tetep tusing nawang. Pasti Ketut lakar tusing ngerti. Melahan Bapa masatua. Nyatuang unduk Bapané imalu."
Sari : (Itep ngulat tipat).
Kobar : "Melahang madingehang. Né perlu pesan Ketut nawang. Dugas Bapané nu terunatur siteng, Bapa pepes maboros di tengah alasé totonan. (Matujuhang alasé kaja). Nganteg kaléké-lékéné tawang Bapa. Rurung sasunutan. Pepes masi Bapa ngamaling poh nyamané ditu. Bes kéto bedaké. Seduk buin. (Kedék ngakak).Di alasé totonan liu ada yéh kalebutan. Ah, nyeng pesan rasané. Cara és lilin dinginé. Jog ngolol bapa nginem cara sampin Pan Baraké. Tawang sampiné ané berag-arig totonan? (Kedék ngikkik). Maboros ditu engsap bané tekén kéweh. Hé, Ketut demen maboros. Pasti tusing demen. Maboros ento
