|| Drama Bali Anyar
Buina Ketut suba pepes masi ningeh. Apang Ketut jelas. Apang Ketut tusing buin salah terima. Padingehang munyin Méméné melah-melah. Mémé ko masi tusing demen ngelah mantu kakéto. Apang Ketut tusing buin salah tampi. Yén krama dadi gagah basang Méméné. Apang Ketut tatas nawang. Mémé tusing setuju Ketut ngelah kurenan kakéto."
Sari : ...
Mén Sari : "Depang suba Mémé jelé dini. Yén dadi baan Mémé apang Ketut tusing bareng jelé."
Sari : "Oh, Mémé. Saja kéto nyet Méméné? Uh, ampura tiang Mé. Bes kaliwat baan tiang ngomong."
Mén Sari : "Sujatiné Mémé tuah makita. Ngrembugang undukéené. Kénkén baan makelid. Apang tusing tepuk pakéwehé ené. Melahang makeneh."
Sari : "Mémé."
Mén Sari : ...
Sari : ""Tiang pelih, Mé. Ampura tiang Mé."
Mén Sari : (Maekin I Sari, tur ngraos makisi-kisi. Kénkén kadén tengkejutné Mén Sari muah I Sari. Teka Kobar, ngacuh raosé. Néngténg bedil. Mén Sari macelep mulihan. Nu Sari padidi. Sedih. Buin ngulat katipat).
Kobar : "Lacur! Lacur! Né mara sajaan lacur adané. Pocol Bapa Sari. Dadi jog ngejer limanBapané. Yén sing kéto bangka polon céléngé ento. Dadi prajani Bapa lemet. Ha, dadi mendep dogén. Bapa suba tua. Hé, Sari saja Bapa suba tua? Cara raos Mémén Ketuté. I Polo Embuh."
Sari : ...
Kobar : "Hé, kenapa Ketut cara anak sebet. Opaka Ketut tekén Mémén Ketuté. Bapa suba tua koné. Yén Ketut kénkén. Tua gati, ho? Tua gudgudoo? Tua. Tua. Tua, oo"
Sari : "Tusing."
