Makudang-kudang Drama Bali
Mén Sari : "Ketut da pesan salah tampi tekén paidepan méméné. Yén karma, gagah basang Méméné, ditu pedas Ketut tatas nawang, tekén tatujon méméné ané madan sujati. Mémé tuah lega yang Ketut nepukin rahayu di jagatéené."
Sari : "Tiang tusing nyak. Males suratné tiang tusing nyak apa buin makurenan. Tiang suba pasti ngaba keneh."
Mén Sari : "Sari, peteng lemah Mémé ngacep, dumadak Ketut sida ugi, dawa tuuh kéto masi, setata molih kaselametan."
Sari : "Mémé pedas pakéweh lakar tepuk yén tusing kadulurin rasa demen di pakurenan. Sujatiné makurenan artinné padarena. Kéto pendapat tiangé aji belog. Yén Mémé dot apang tiang nepukin rahayu, bébasang tiang milih padidi. Sakéwala ulesné, saking meled, buka anaké maksa padéwékan tiangé, apang-apang tiang makurenan ngajak 1 Bondan. Ulesné Mémé dot pesan ngelah mantusugih,kéto? (Mendep ajahan) Nah apang misi nyet Méméné, ajak tiang jani ka umah Bondané, da ngantiang buin mani. Jani suba tiang atepang. Jani suba tiang pakurenang (Raosé cara anak sebet tur ngeling). Jalan Mé." (Maid lengen méméné).
Mén Sari : "Sari!"
Sari : "Kadén Mémé dot apang tiang makurenan ngajak I Bondan? Apa kantiang buin? Da ngantiang dauh. Da ngantiang dewasa!"
Mén Sari : "Sing, buin Ketut salah tampi. Mémé lakar ja tusing maksa. Idupé ené tuah Ketut ané ngelah, Kéto masi demen Ketuté paserah tekén Ketut. Melahang nerima raos Méméné. Da kadropon."
Sari : "Da Mémé bulak-balik. Jani suba sedeng melah tiang atepang. Dot tiang ngelah kurenan sugih. Apa kantosang buin, Mé?"
Mén Sari : "Ketut, Mémé tuah nuturang raos Bapan Ketuté.
