|| Drama Bali Anyar
ento sing beneh, bakal nemu sengkala di mani puané cerik-ceriké, tusing bakal bisa ngudiang- ngudiang, kebudayaan ragané bakal merosot, agamané bakal sing karuan unduké."
Dagang Kacang : "Béh aluh pesan, jani tipé ngaranaang guminé sengkala."
Anak Gelem-Geleman: "Sing ja kéto, tongosé nganggo, ngejang apang nawang désa kalapatra, eda ulah nganggo. Nah yén tip bakal anggo... anggo malajah ngigel, mawarga sari... yén kéto melah pesan. Tegarang awaké ningalin, kénkén asané nepukin tamiu toris, tamiu uling Jawa, nganggo udeng, nanging ia majalér, masuk ka pura, kéwala masenteng duén."
Anak Mokoh : "Ragané masih pelih, ngudiang ngadep udeng tekén anak ané tusing nawang carané nganggo tur di kénkéné patut anggo."
Dagang Kacang : "Ngudiang anaké ané ngadep dadi pelihang."
Anak Gelem-Geleman : "Ené suba sumber buuté. Yén makejang ajak ngelah papinch ane kéné, uug gumi Baliné buin pidan."
Dagang Kacang : "Kaliwat belog Baliné, tingalin nyamané di Mas, di Celuk, di Ubud, di Kuta makejang maukir umahné. Lad teban bangkung dadi suargan, dadi hotél. Ento karanané sing ja pipisé ané tekané uling sig anaké ané meli udeng, meli togog. Apa ané kéto sing lung? Bandingang cara icang jani, jeg tetep madagang kacang."
Anak Mokoh : "Kayang bajran perandané ada anak meli."
Anak Mokoh : "Raga dagang mesti nuutang apa kitan anaké ané mabelanja. Sing kéto Lub?"
Anak Gelem-Geleman: "Mawinan jani liu pratima-pratima di pura ilang."
Anak lénan : "Baan mabudi pipisé, japin pratima sing itunganga. Ené jani suba gumi makiré kasusupan kali, gumi mabading."
191
