Makudang-kudang Drama Bali
Anak Gelem-Geleman: "Mati idup... ia patuh kéwala adané duén lén."
Ané Lénan : "Dija ada unduk kéto."
Anak ané Madoman : (Sada matolihan) "Nyén ngomong kéto? Cara tutur utama pesan. Dija ada unduk idup totonan mati,"
Anak Gelem-Geleman: "Mati dini, idup ditu."
Ané Lénan : "Buin meteng-metengang tuturé. Eda ja tegeh pesan tuturé, kanggoang ja biasa-biasa duén nutur."
Anak Gelem-Geleman: "Ento suba awak lengeh sing nawang apa. Mara kéto duén peteng suba rasaang. Awanan ada tutur, ngelasang anak ané makiré mati, apang melah majalan.... Ada ya unduk anak mati majalan."
Ané Lénan :"Anak majalan mati, sing nyalanang batis."
Anak Gelem-Geleman: "Kéweh suba nutur jlema lengeh".
Anak Mokoh : "Nyén ané lengeh? Saru néhena. Méh-méh ané ngorahang lengeh buah.”
Anak Gelem-Geleman : "Saling awaké jlema sangut, mangut-mangut boké, basang kembung."
Anak Mokoh : "Bandingan tekén awaké makiré bangka.”
Anak Gelem-Geleman : "Aluh duén ngorahang awaké bangka. Nyén ané bisa ngawangsitang bakal teka matiné? Nyén?"
Anak Mokoh : "Nyén ka sing bisa. Anak angkian baan nyilih,"
Anak ané Madoman : "Nah..., turahang suba."
Dagang Kacang : "Kéné suba gumi wayah, pada sing nyayangan awak, ulah mamunyi" (sambil ngaduk-ngadukang kacang). "Liu tukas matimpal, tusing pada nyak ngalah."
Anak Gelem-Geleman: "Ené adané majugjag, ngalih benehé ajak makejang. Eda ngulah ngaba beneh padidian, awak idup ajak liu. Sikuté mesti pada aba. Tegarang pinehin melah-melah, yapin awaké sugih, ngelah pipis, tan bina jani cara awaké ngelah tip jumah, ento tatkala upacara maayu-ayu, wiadin apa ané lénan, warga sari, tetabuhan awaké nganggo tip,
