|| Drama Bali Anyar
Ané Lénan : "Yén anaké mawarga sari di pura aji tip, ento manggehang unduk adané."
Anak Mokoh : "Yén tip, anak suba masané, gumi maju sing dadi baan melihang bas sanget. Ngudiang ento jugjagang bas sanget, kanggoang suba kitané jani, telabingkah batan biu... gumi linggah ajak liu".
Ané Lénan : "Sing dadi yén kéto orahang." (bangun bareng nyongkok di samping dagang kacangé) "Jani ané singja urusan iraga, masi perlu ja gonjakang, ené muni di penggaké, nyaruang kenyel negakké, apang ada masi omongang."
Anak Mokoh : "Kéné awak negak mesuang pipis, gépé memunyi, makrahé payu ja, yén bes sangetang."
Ané Lénan : "Sing ja ada anak negak nengil maan pipis. Adané awak idup... idupé mesti magaé, magaé nekaang brana, pipis, pipisé ané dadi anggo ngisinin basang, nglanturang kalacuran idupé."
Dagang Kacang : "Kuda dalangé maan upah?”
Ané Lénan : "Mara tunian suba orahang... ené cang mamunyi di penggaké, anggo padengkel keneh duén.”
Anak Gelem-Geleman: "Perlu masih kapah-kapah majugjag, apang sing ayem duén."
Ané Lénan : "Majugjag tuara maan bedag."
Ané Lénan : "Sing ja kéto, mara sing dadi apa... jeg endepang duén ja ibané. Pelih yén kéto."
Anak Mokoh : "Mendep masih pelih, munyi duén masi pelih. Sing ada anggo beneh, lamun jatiné kénkén patutné?"
Anak Gelem-Geleman: "Patutné? (Makokohan cekoh-cekoh) Alih ja benehé, dija ja tongosné tur kénkén ja patutné."
Ané Lénan : (Sada jebuh, tur nuding-nuding) "Awak makiré bangka, aéng tuturé. Awaké ja benehang malu ada unduk awak gelem, selid sanja, peteng lemah di balé banjaré mamacan-macanan. Alihan ibané ubad, ento mara ngalih patut adané."
189
