Makudang-kudang Drama Bali
baru."
Ané Lénan : "Tingalin jani yén anaké ngodalin."
Ané Lénan : "Wargasariné ngelur-ngelur, yén tletekang ka pura sing ada anak magending."
Ané Lénan : "Gongé masi ngelur, anaké ané duang kilo joh umahé uling purané ento bareng masi magadang makalemah."
Ané Lénan : "Krana entipé ngelur-ngelur padidiana."
Ané Lénan : "Sing ja engtip... nanging tip rékorder, kéto anaké eda gunung pesan."
Anak Gelem-Geleman: "Kéto masané jani, ragané mesti nuutang bareng apang sing katinggalan zaman."
Ané Lénan : "Beneh masi kéto, anak ada untungné. Tegarang kenehang adéng-adéng, yén nganggo tip, sing maang nasi base, yén kéto kénkén."
Ané Lénan : "Béh."
Anak Gelem-Geleman: "Béh, béh... kénkén?"
Anak Gelem-Geleman: "Kéto koné zaman jani... kénkénang."
Ané Lénan : "Ngaturang rerejangan masi aji tip?"
Ané Lénan : "Suba liu ané kéto jani."
Ané Lénan : "Sing beneh kéto... kénkén ja majun gumné yén kéto laksanané... sing beneh."
Ané Lénan : "Yén matí akiné..., amat ya campahné dadi. Kénkénang ja..., jeg sing beneh ané kéto."
Anak Mokoh : "Dadi jeg cara pasamuhan sulinggih ditu nah."
Dagang Kacang : "Ento makejang nyamané suba mawinten."
Anak Mokoh : "Ento suba ada ané ngurusang, tusing nyandang jugjagang buin. Japin ada anak nganggo tip..., ngelah ya anaké pipis..., kénkén bet ngalarang."
Ané Lénan : "Yén kéto orahang, kayang cang man lotréné, bakal jangin méru tumpang solas sanggahé."
Anak Mokoh : “Yén kéto, bas kaliwatan adané, tusing bisa ngatutang unduk adané.”