|| Drama Bali Anyar
gaé makejang anggo, tusing inget tekén mani puané. Lén yén anaké pegawé, digelemé masi man pipis."
Anak ané Madoman : "Eda maseselan jani... zamané suba malénan. Apa buin di kota, idup kai, bangka iba."
Ané Lénan : "Béh... eda ja bes kasar mamunyi."
Anak ané Madoman : "Mara monto suba kasar orahang, anak amun sajané. Coba kenehang, jani kéweh bakal ngaukin timpal cara anak odah raga pidanan. Keneh masuaka ambengan, punyan yuh, pidan aluhan abedik, lén jani, makejang aji pipis."
Dagang Kacang : "Lén sidan, lén Bangli. Lén pidan, lén jani, eda patuhanga. Jani ada pipis, ada baang, ada pipis ada gaé....”
Ané Lénan : "Pokokné pis kéto?"
Anak Mokoh : "Kuuk."
Dagang Kacang : "Dadi makuuk?"
Anak Mokoh : "Makita ja makuuk."
Ané Lénan : "Yén suba kéné, ilang suba ané sinangguh agama. Mani puan... buin kudang jahan pesan, yén bakal ngudiang... jeg pipis mango. Ngotonin pianak, miribang bakal mupahang."
Anak ané Madoman : "Béh... ento bes kaliwatan.”
Anak Mokoh : "Miribang saja bakal kéto, jani suba nyumunin bedik-bedik."
Anak Gelem-Geleman : "Dija ada unduk kéto."
Anak Mokoh : "Ngudiang sing, tingalin anak ngabén jani. Yén suba ngelah pipis, jeg prajani dadi abénang, sing suba ngitungang masa, soroh tukon, ampilan, ada suba anak ngadep suba ada bebantenan."
Ané Lénan : "Zaman maju."
Ané Lénan : "Saja kéto."
Ané Lénan : "Yén bes maju, sing ngitungang désa kalapatra."
Ané Lénan : "Biasané engsap tekén déwék, engon tekén ané
187
