|| Makudang-kudang Drama Bali
Anak Gelem-Geleman : "Nyerah apa sing ené?"
Anak Mokoh : "Kalah suba icang."
Ané Lénan : "Kéto mara lung, yén suba kalah... ngaku anaké kalah. Jani sing liunan kéto, lén iya suba pelih tur lengeh, enu masi ngangkangin tongosné."
(Ané mokoh bangun nguadang bangkiang tur sambilanga melut kacang, laut nuju dagang kacangé) (Ngudiang kereng pesan kulkul banjaré magebug).
Anak ané Negak : "Ento nyinahang guminé gemuh."
Ané Lénan : "Gemuh kénkén?”
"Ngudiang ngebug kulkul gemuh nah?"
Ané Lénan :"Ento suba, awak tungkulang gelem sing nawang unduk."
Anak Gelem-Geleman : "Unduk kénkén?”
Ané Lénan : "Jani tawang cai, gebug kulkul, yén bakal manyi, apang tawanga, hasil cariké malimpah-limpah."
"Yan padiné kasigit, amah wereng?"
Ané Lénan : "Tengilang ibané, yén nyak lingang ibané padidian."
Anak Gelem-Geleman : "Yén kéto ané lung-luung duén orahang."
Ané Lénan : "Beneh! Yén gebugin kulkul sedenga kasigité, ama wereng, usak orahang désané, dadi guminé usak."
Anak Gelem-Geleman: "Caran cangé, kénkén ja kenehé depin suba."
Ané Lénan : "Caran cainé beneh pesan, awak idup buin jahan. Awak engkak-engkak."
Anak Gelem-Geleman: "Kéné cang jani engkak-engkak sing ada ngarunguang. Pidan satondéné cang lacur kakéné, gelemé ngamah cang, makejang ngaukin, ada ané nundén ngaé balé dangin kanti apragatan, ada ané nundén ngaé metén, ngaé sanggah. Jani nyén sing ada nolih."
Ané Lénan : "Ento awak pelih padidian, dipeluté baan ngalih
