|| Drama Ball Anyar
Anak Mokoh : "Apa pajekné? Akuda kena?"
Anak Gelem-Geleman : "Pajegné... gemelan" (sambilanga ngemelan limané).
Anak Mokoh : "Béh...." (Neneng sada bangras) Aluhné.
Ané Lénan : "Tungkulanga magerengan, batuné sing makisid-kisid uling tuni. Melahang nyen, canda-canda cing."
Dagang Kacang : (Teka ngaba ungkusan) "Enéh kacangé suud ja makerah."
Anak Mokoh : "Nah kéné naké, mara adané...."
Dagang Kacang : "Apa?" (ngenjuhang kacang).
Anak Mokoh : "Adi jegég."
Dagang Kacang : "Eda ngawag-ngawag."
Ané Lénan : "Eda "malawar gerang, nyagerang."
Anak Gelem-Geleman : "Awak kunyit di sanggah, Ngajengit bungut linggah." (Kedék ngakak).
Anak Mokoh : "Awak makiré bangka, munyi duén."
Ané Lénan : "Ené... mamacan-macanan, apa makerah."
Ané Lénan : "Mula patapan anak magarang, makejang saling wada, saling cacad."
Anak ané Madoman : "Sing kéné, sing kéto Luh, pokokné beli enyakin. Apa kitaang Luh... pasti ada. Sikut pipis..., Beli sing kuangan."
Dagang Kacang : "Anggehan Beliné ané di puan dadi tusing bayah. Awak gudig, eda mengkok."
Anak Mokoh : "Béh... menghina pesan. Dimukak umum, mébérang kajelékan timpal."
Dagang Kacang : "Sing ja kéto."
Anak ané Madoman : "Makejang jeg magarang. Cara cicing ngarang tulang."
Ané Lénan : "Asa suba ada mamahan, makejang magarang. Tusing dadi tunaan."
Ané Lénan : "Nah gutgut suba, cang eda suba baanga."
185