Makudang-kudang Drama Bali
Anak Gelem-Geleman : "Yén kéto lantasang kénkén? Apa agamané sing karuan, apa manusané ané sing karuan cékak."
Dagang kacang : "Terang manusané."
Ané Lénan : "Japin kénkénang mula manusané ané usak. Perlu pesan apang nawang unduk tutur agamané. Eda ulah-ulah majalan. Ento suba adané jlema sing nawang lebah tegeh".
Dagang kacang : "(Nyemak don). Ené... kénkén sing ada melinin, mélinin kacang, pragat madébat".
Ané Lénan : "Kéné suba dagang, yén sing ada melinin suba sebet. Mula siasat dagang, kéwala ada anak melinin, ulian kénkén carané tur jalané, bakal jalananga, apang payu ja dagangané."
Dagang kacang : "Sing ja kéto, jalané mesti apang beneh."
Ané Lénan : "Lebihan awaké mamunyi... jemaka awake."
(Ané mokoh sada nyeh, anak gelem-geleman munyi-munyi duén kramak-krimik sing karuan mabesikan)
Ané Lénan : "Yén nyali cenik tengilang ibané, eda awak ngorahang siman gumi ngamis, korupsi, nguluk timpal, pelih ento."
Anak Mokoh : "Kéto tepuk cang. Eda cai ngorahang cang nyali cenik, jani sing liu anak sugih énggal, mara dibi magaé suba ngelah umah kantoran, ento gusti awaké petang kecorang ngelah carik, sing masi nyidaang nyakolahang panaké.... (kabilbil). Nyakolahang pelih baan ngorahang... nyakolahang okané..."
Ané Lénan : "Mamunyi duén awaké suba pelih, dija bisa tingkahé bakal dabdab."
Ané Lénan : "Pasauté suba ngawur."
Anak Mokoh : "Nah pelih bedik, eda ja sangetanga pesan."
Ané Lénan : "Ené masi munyi tur bakal laksana ané pelih tur usak bakal padidina."
Anak Mokoh : "Kénkéna?”
