|| Drama Bali Anyar
ngadinin idupé apang melah, ngwangun désa apang tepuk luungé di manipuané. Tuah iraga mula ané patut nglaksanaang klanturan pawangunané désan ragané." (Tekén Wayan Koyogan) "Wayan..., yén dadi idih tiang, suud ja mlaksana ané tusing lung, corah ngusak-asik lan jani ngewangun désa bareng-bareng.
Wayan Koyogan : "Nah... tiang ngidih pelih, apa ané suba liwat, bakal anggon tiang plajahan apang sing kekéto buin, tiang jani nut bareng-bareng ngewangun désané apang melah tur rahayu." (Makejang makenyem demen).
Pan Koyogan : "Liang rasan tiangé dadi jlema jani tur tiang bareng masi ngidih pelih."
Pan Nérti : "Ané suba liwat depang suba liwat, ané buin mani kenehang."
Nyoman Sadra : "Ené mara abedik tepuk asil pawangunané..., jani..., masan cengkéhé nedeng mabunga..., lan jani ajak makejang, buin gatiang tur saatang pewangunan nuju tetujon ragané, gumi ané melah tur rahayu." (Makejang makenyem tur nunas ica ring Ida Sang Hyang Widhi Wasa suéca ngaksinin tur ngicen panugrahan, mangda panjaké nemu rahayu).
Luh Nérti : (Sada ngeling baan liang kenehné) "Masan cengkéhé nedeng mabunga.... Liang rasan keneh tiangé, yén kené ajak makejang, briak-briuk selulung subayantaka, ngardinin désané, apang nemu rahayu dimanipuané. Inggih Ratu Betara, titiang nunas ica apang banget pisan, mangda kadagingin pinunas titiang sareng sami mangda jagaté rahayu sinamian." (Makejang nguntul nunas pasuécan Ida Sang hyang Widhi Wasa).
181
