Makudang-kudang Drama Bali
Pan Nérti : "Mula tiang Pan Nérti." (Masebeng gedeg).
Nyoman Sadra : "Bapa..., eda ja lantanganga buin, ané pidan depin suba liwat, ané pelih suba mrasa pelih, Bapa masi suba elas eda jani maidep brangti buin, nyalanang gedeg keneh, ento bakal dadi ngéndah-pélag, énggal pesan salah tampi tur bakal nglakonin sakawenang ngepet pati..., ngaé usak tur uyut, uug, buut, písuna ngugut, aluh pesan."
Mén Nérti : "Saja munyin Nyomané..., nanging sakit atin Méméné."
Nyoman Sadra : "Tiang ngrasaaang kénkén sakit atin Méméné, Bapané apa buin Luh Nérti... nanging darma tur wicaksana bakal ngukuhang darma idupé. Tiang anggo Mémé kéné pianak belog, jlema mara ibi, resekin ja kenehé, tingalin jani ajak makejang, cengkéhé nedeng mabunga... ngrembiak lung pesan, mara nepukin cengkéhé mabunga amoné, suba liang rasan keneh tiangé, kénkén baan nasarin pakéwehe uling pidan, ulih matakon kemo-mai!"
Pan Nérti :"Ento suba ane krasa baan Bapa jani."
Nyoman Sadra : "Mara krasa baan tiang, yén bakal ngalih luungé, bagia guminé kéweh pesan, apa buin yén liu ané mlaksana corah, loba iri ati, kéweh bakal nepukin lung guminé. Jani asil pawangunané mara tepuk bedik-bedik, cengkéhé nedeng mabunga, lan dabdabang ajak makejang ngrasain guminé apang melah."
Pan Nérti : "Mula saja munyin Nyomané... nah jani ajak makejang, yapin Wayan Koyogan, Mémé Bapané pada, suba pituduh Widhi, kéné koné karma idupé, lan jani jumunin mlaksana ané melah, ngardinin idupé subakti marep Ida Hyang Prama Kawi." (Makejang anggut-anggut tur nunas ica ring Ida Shyang Prama Kawi mangda Ida Suéca ngaksinin).
Nyoman Sadra : "Luh... (Ngisi liman Luh Nértiné) Lan jani
