|| Drama Bali Anyar
menyet suba bakal dadi uyuté, baan solah cainé, angkuh, nuutang momo turin degig sing nawang pangrasa."
Mén Koyogan : "Cara solah Bapanné!”
Pan Koyogan : "Untung masi Ida Sanghyang Prama Kawi suéca... jelék cainé, jelék bapané tuah amoné. Nah jani galang suba keneh tiangé, kénkén ja jani patutné Pan Nérti...." (Nuju sig Pan Nértiné)
"Nah, jani negak suba ngelahang kalanganné.... Jemak madiké! (Ngejer munyiné, ngelésang saput putihné, laut maudeng putih)" jemak madiké..., héééé, cai Koyogan lébang Pan Nérti...., nah jemak madiké jani, pragatang suba tiang." (Nyongkok nguntul, makejang siep sepi)
"Apa buin antosang Nengah. Luh suud ngeling jemakang Bapa Nengah, las suba tiang mati...."
Pan Nérti : (Daas-diis).
Nyoman Sadra : "Eda Bapa, keneh-kenehang ragané Bapa, tegtegang bayuné. Ngalih uyuté tur usaka kudang jahan pesan."
Luh Nérti : "Bapa. (Ngeling sengi-sengi) Bapa titiang..., Bapa tuah Bapan titiang!"
Pan Nérti : "Akijapan engsap Bapa tekén padéwékan, sing pantes Bapa pedih, uling malu dugas mara nganténé Bapa pasrah, bapa suba tau, nyai tusing pianak Bapa." (Ngurut-ngurut sirah Luh Nérti)
"Ané suba liwat depang suba liwat. Japin apa ja ané suba ngaduk uling pidanan, bapa nrima.... Cening Luh Nérti, pelih munyin Bapané, kliwatan tunian munyin Bapané, eda nyai nyangetang, nyai tuah pianak Bapa, mai..., nyai Méménné (ngakuin Mén Nérti), ajak bareng panaké, ané suba liwat depang suba, mula ngardinin idup kéweh pesan. Lan uling jani mlajahin awak, jelé-melah mula di awaké, sing ja joh".
Pan Koyogan : (Bangun adéng-adéng) "Pan Nérti... Pan Nérti...!"
179
