Makudang-kudang Drama Bali
(Ngampok) (Teka Nyoman Sadra, gesah ningeh anak uyut).
Nyoman Sadra : "Mémé anak kénkén ené, dadi uyut? (Tekekanga ngisi lengen Mén Nérti).
Mén Nérti : "Lébang Mémé, depang Mémé suba mati.”
Pan Koyogan : "Patut kéné dadiné, suba pituduh Widhi, lebih galang rasan kenehé, idupé sing nanggung dosa."
Pan Nérti : "Matiang tendasné keduana."
Luh Nérti : "Aduh, dadi kéné lacur tiangé.” (Ngeling sengi-sengi).
Nyoman Sadra : "Anak kénkén ené lamun jatinné?"
Pan Koyogan : "Kéné Nyoman... tur padingehang ajak makejang, tiang eda nyalanang pedih basang dogén, padingehang malu." (Pan Nérti ajak Mén Nérti daas-diis naanang pedih basangné)
"Sawatara siangolas tiban ané suba liwat, madan Nyoman Sulasih". (Makejang bengong nguntul madingehang, apa buin Mén Nérti ngejer, sebet, jengah).
Duges totonan Bapa suba ngelah pianak, I Koyogan matuuh limang oton, Bapa ajak I Lanus ané madan Pan Nérti makampungan pesan. Bapa suba nawang ia mademenan ajak Nyoman Sulasih, Mula lacur tur solah Bapané jelé, awanan dadi jeleké buka jani. Peteng bulan dugas totonan ujan balcs, di warungé Nyoman Sulasihé suung. Bapa singgah mula anak jegég, peteng buin ujan tur suung, keneh bapané dadi lén. Ah... Bapa merakosa ia". (Luh Nérti nyerit ngelut Méméné).
"Kanti..., ah..., ah... Nyoman Sulasih beling.... Bapa suba ngelah panak, maduang Bapa lek... laut... laut... Bapa ngidih, Sulasih apang énggal ngantén ajak I Lanus, kénkén kadén. Nyak masi buka katulungin... Lantas ngantén ajak Nyoman Sulasih, kanti ada anak cenik Luh lekad ané madan Luh Nérti. Ah..., untung masi Bapa teka mai, (Nuding panakné I Koyogan) Dugas ibi sanja cai bakal nyuang maksa Tuh Nérti, Bapa
