|| Drama Bali Anyar
Mémé dadi Mémé kakené".
Mén Koyogan : "Kuda Mbok?" (Nyerit nyagjagin).
Pan Nérti : (Ngamuk tur ngebug Pan Koyogan). "Kénkén dadi cai ngorahang Luh Nérti manyama tugelan ajak bangsaté ténénan? Ah... ah... kénkén... kénkén?" (Terus ngamuk, Pan Koyogan ajak panakné terus nepis) "Dadi cai bani munyi ngawag-ngawag?"
Pan Koyogan : "Ah...."
Luh Nérti : "Mémé... Mémé... ngudiang Mémé kekéné? Aduh!"
Pan Nérti : "Orahang... ngudiang cai ngawag mamunyi, apa cai..." (Nuding Bapan Koyogan, krajang-krejing.... Wayan Koyogan ngelut Pan Nérti tekekanga pesan) "Orahang... eda cai munyi dogén, yén saja wanén, mai di abingé pada ngaba madik! Lébang icang!”
Pan Koyogan : "Mula sing dadi baan nekepang andus, kénkénang ia bakal ngenah... cai... Koyogan ngranaang uyuté buka janí, ngusak-ngasik kasukan anak lén, kéné suba dadinné. Cai sing suud ngaé dukita."
Pan Nérti : "Aduh Déwa Ratu... aduh, aduh.... (Nyerit cara anak kasurupan). Lébang icang..., matiang icang tendas cainé Pan Koyogan. Nyai Mén Nérti, Béh beneh baan nyai nguluk-nguluk içang. Mara pitu bulan ngantén panaké suba lekad. Pantes timpalé nyimbingin déwék icangé. Cang ngotonin panak timpal. lih, Nyai ané madan Sulasih. Pantes nyai énggal-énggal ngajakin ngantén, kéné unduké..., pantes, bangka jlema ka luané jani.... mara lega keneh icangé." (Krejang-krejing, sangetanga pesan ngelut tekén Wayan Koyogan. Tan pinehan pesan Mén Nérti bangun nyagjag sig Pan Koyogan, ngampuangin mua, ngambis tur nyerit nuding).
Mén Nérti : "Cai, mrakosa icang, maksa icang cara ubuan, bangsat caí dadi jlema... mati cai jani."
177
