|| Drama Ball Anyar
Wayan Koyogan : "Baan urusanné mula saat pesan Luh.
Beh jeg terus nyegégang duén I Luh."
Luh Nérti : "Ah....
Wayan Koyogan : "Dadi sing nang taén pesu Luh?"
Luh Nérti : "Tiang répot dogén jumah".
Wayan Koyogan : "Monto pepesan ada balih-balihan di balé banjaré."
Luh Nérti : "Kéto ja dingeh tiang."
Wayan Koyogan : "Mara-mara ené ada arja roras Rébu. Béh kanti klemah Luh. Kadén Beli..., Luh mabalih. Mlingser bakat alih."
Luh Nérti : "Tiang répot dogén jumah." (Bingung Makita makaad)
Wayan Koyogan : "Mai ja negak malu Luh" Aduh jegégné."
Luh Nérti : "Tiang enu répot di paon."
Mén Nérti : (Majeritan uling paon, kauk-kauk) "Luh..., Luh...? Nyén ento..., dadi makelo pesan? Pangorénganné puun nyen, lengisé suba panes. Enggalin naké goréng sambelé!"
Luh Nérti : "Apa Beli ada perlu pesan..., tekén nyén..., tekén Bapan tiangé, apang beneh baan tiang ngaukin.”
Wayan Koyogan : "Beli mula perlu tekén Luh dogén kemo suba ka paon malu. Depang Beli ngantosang, sagét suba lebeng nasiné."
Luh Nérti : (Kitak-kituk, bingung) "Ah...."
Wayan Koyogan : "Béh..., .mingkinang, ngamanisang yén kéné"
(Kedék) Aaaaaaaaa.. aaaaaaa..., aaaaaaa."
Luh Nérti : "Mé ...." (Magedi énggal-énggal ka paon)
Wayan Koyogan :"Béh...., nyak masi lung cengkéh dini. Yapin umahné gedék, bersih masi, pakarangané lung. Kéné luungné ngelah panak bajang. Béh yén I Luh payu bakat anggon somah, aduh pasti déwéké bahagia".
Aaaaaa..., aaaaa..., aaa (Kedék ngakak padidiana)
171
