Makudang-kudang Drama Bali
(Cicing terus galak ngongkong).
Wayan Koyogan : "Jeg terus ngongkong... kadén apa déwéké ené. Cék... cék... cék Cicing!"
Wayan Koyogan : Cicing apa, jeg sing betek-betek ngongkong. Cék..., cék..., cék."
Mén Nérti : "Cék..., cééééék, Badeng..., eda ngongkong!"
Wayan Koyogan : "Cicing bangkaan, kadéna apa déwéké."
Mén Nérti : "Tumbén-tumbén tepukina."
(Nyemak kayu ngulah cicing, nanging munyiné némpétin)
"Ubuan tusing nawang sikut, masan magaé ngaduk. Johang...!"
Wayan Koyogan : "Melahang ja ngajahin ubuané, jeg ngulah ngongkong. Sing tawanga, raga paling sugihé dini, nyén nak sing bani tekén ragané, ené jeg bani ngongkong."
Mén Nérti : "Cicing I Badeng mula lengeh, mekel kongkonga."
Wayan Koyogan : "Saja kéto." (Bangun magemelan).
Kempuangang tendasné..., empug tendasné mara tawanga rasané. Ené kija ..., dadi suung Mé?"
Mén Nérti : "Masan anak magaé, makejang ya magaé. Bapa dini, mara pesan, ngorahang ngikis padang di batan cengkéhé."
Wayan Koyogan : "Ngudiang magaé."
Mén Nérti : Ragané lingsir mara teka. Apa Wayan perlu tekén bapa dini?" (Enu masi ngisi kayu)
Wayan Koyogan : "Yang sing nakonang buin pidan teka, kadung lingsiran nak sing ngurus."
Mén Nérti : (Gedeg basangné tur munyi bangras) "Yén suba kéto... Wayan ngalih nyén mai?"
Wayan Koyogan : "Yén anaké nganggur ngalih nyén patutné? Dadi sigug-sigug pesan mamunyi."
"Né ..., kénkén Wayan, suud naar tuak kénkén.