|| Drama Bali Anyar
bakal mulih malu".
Pan Nérti : "Adéngan ja malu." (Nyeeb Luh Nérti)
Luh Nérti : "Adéngan ja malu Beli, tiang suba suud nyakan."
Pan Nérti : "Ento I Luh anak suba suud nyakan adéngan ja malu. Dini ja madaar."
Nyoman Sadra : "Tiang bakal ngelodang malu."
Pan Nérti : "Bapa bakal nutugang ngedasang padangé di batan cengkéhé."
(Laut énggal maklieng magedi, Nyoman Sadra enu masi klikid-klikid kondén magedi).
Luh Nérti : (Makenyem nolih bapanné makaad).
"Dadi Beli tusing nyak madaar, tiang anak ngaé jukut muncuk don waluh dedemenan Beliné."
Nyoman Sadra : "Nah nyanan ja lingsiran...jani Beli anak bakal ngelodang ngalih timpalé perlu pesan.”
Luh Nérti : "Nyanan seken nyen Beli lingsiran teka, apang beneh baan tiang ngangetin jukuté."
Nyoman Sadra : "Nah Luh...." (Bakal magedi)
Luh Nérti : "Beli!"
Nyoman Sadra : "Kénkén Luh...."
Luh Nérti : "Eda naké Beli sangsaya tekén tiang." (Nguntul sada sebet)
Nyoman Sadra : "Beli tuah macanda, baan inguh atiné makelo Adi tusing tepuk kadén juang anak."
Luh Nérti : "Aluh duén cara nyuang apa, keneh tiangé suba pagehin Beli aji tresna sujati."
Nyoman Sadra : "Japin kéto Beli masi was-was duén, ngaé keneh inguh. Krana meled pesan beli negul Adi, pang sing kija-kija."
(Sareng kalih saling nengneng, mangusud tangan mamadu kasih, ulangun ring kayun. Kairing antuk suaran suling Semarandahana).
Nyoman Sadra : "Luh...Beli mulih malu nah."
169