Makudang-kudang Drama Bali
cara I Wayan Koyogan ané uling ba delod jeg setata ngaé uyut".
Nyoman Sadra : "Ento suba bapa, liu masi truna-trunané tusing sadar tekén paukudan, tekén nasibé, di mani puané, yén pét anak odal-odal suba ilang buin pidan, nyén ané bakal nglanjutang pewangunan désané. Yén ajak makejang pada ngulurin indria, kénkén ya padadin désané buin pidan. Sing jeg benyah latig guminé, uug indel sing karoan-karoan."
Pan Nérti : "Mula cenik-ceniké, patutné suba tragia bakal nampi pakéwehan dinané bakal teka. Mara kéweh laut depina krana sing nyemak. Yén kéto sing jeg nyelékang dogén guminé. Jani suba jelék tekané buin jelék."
Nyoman Sadra ; "Ento suba gunané truna-trunané apang trampil nyemak gaé, apang melah mani puan tepuk, yén jani kekéné buin pidan apang luungan nang buin abedik."
Pan Nérti : "Yen anaké buka Nyoman, Bapa demen pesan nepukin, dumadak truna-trunané makejang ngelah semangat membangun cara Nyoman."
Nyoman Sadra : "Yih....kanti éngsap tiang tekén tetujon utaman tiangé mai."
Pan Nérti : "Apa ané ada buatang Nyoman pesan."
Nyoman Sadra : "Buin puan bakal ada panerangan uling petugas Kantor Pertanian, caran mliara cengkéh ané nedeng mabunga.”
Pan Nérti : "Béh...lung pesan, Bapa edot pesan ningehang."
Nyoman Sadra : "Krana ento tiang ngajakin Bapa buin puan kema bareng."
Pan Nérti : "Dija tongosné Nyoman?"
Nyoman Sadra : "Di Kantor Camat Pa."
Pan Nérti : "Singgahin nyén Bapa mai."
Nyoman Sadra : "Nah...Pa." (Bangun). "Kéné suba tengai tiang
