|| Drama Bali Anyar
ngaénang kramané apang élah."
Nyoma sadra : "Mula ento pesan cucud tiangé Bapa, jani tiang suba tamat di sekolahan, tiang sing ja bakal dadi pegawé, kakeneh baan tiang yén makejang dadi pegawé, nyén ané bakal ngardinin désané, koné dasar pembangunan negara ané utama tongosné di désa. Tiang bakal nyerahang idup déwék tiangé ngwangun désa. Ané suba madan anak bisa cara tiangé, cara timpal-timpal tiangé mesti bani malopor idup ngwangu désa. Mara kéto sing ja tiang ngajumang déwék ngorahang iba ririh.”
Pan Nérti : "Beneh saja kéto Nyoman, ati tragia perlu pesan, apang eda nyén solahé ané bangga, demen kakaden ririh, réh andel tekén kabisan dadi pesu belogajum, demen pesan kajungjung, pongah juari, ngendong timpal di pisaga, ané kéné kilidang pesan Nyoman."
Nyoman sadra : "Liang pesan keneh tiangé, Bapa nyak mapi tuturin tiang. Tiang jlema mara ibi, sakadi raré mara bisa majalan, pliaté joh, tondén nawang lebah-tegeh."
Pan Nérti : "Ené Bapa... makitaja matakon...seken Nyoman bakal jumah ngoyong. Sing padalem Nyoman sekolahan Nyomané."
Nyoman sadra : "Mémé-bapan tiangé suba ngerti, suba tulus maang tiang jumah, ngardinin désa, ngardinin déwék tiang. Depang suba tiang sing dadi pegawé. Bapa nawang...jani ngalih gaé kéweh, yén ngalih pegawé adasa, né teka nglamar ajak siu, apa buin yén sing ngelah dandanan. Gumi cara jani, makejang maji."
Pan Nérti : "Tuah ja kéto koné dingeh bapa, bapa dong dot pesan yén nyak cenik-ceniké pikirané maju buka Nyoman, sing ja jeg makejang nagih dadi priyayi duén, sing lantas maan, crarat-crurut tekén sab-seeb. Magaé ka abiané lek. Lantas ngaé uyut duén gaéné. Ento ané sebetang bapa. Tingalin ento ...,
167
