Makudang-kudang Drama Ball
mesti nepukin rahayu."
Pan Nérti : "Beneh pesan papineh Nyomané, sing ja ada dana ané jeg majedog yén sing kapagehang baan laksana tur karya".
Nyoman Sadra : "Yén mula raga anteng magaé mani puan mesti bakal tepuk asilné".
Pan Nérti : “Cara satuané....manik hasta gina apang tiang ngelah anu...saja mula kéto, maniké bakal teka yén limané magaé, asilé mesti bakal tepuk. Yén sidakepang duén limané....."
Nyoman Sadra : (Engal nimbalin) "Apang sing nepukin, ada ja manik nglayang.... Tungkulang bengong duén tekén masidakep lima, krana ento tiang jani bakal mlajahin nyalanin idup, mlajahin padéwékan...."
Pan Nérti : "Beneh tur lung pesan paitungan Nyomané, nanging dabdabang masi pajalané, apang sing ulah majalan, buka géndingé ané taén dingeh Bapa....
Eda mangulah majalan, nyadin pacang mapikoih yan suba tindaké salah, eda jua cai mamargi depang kasélané bukti, tuna teda ucap lung ulat ada neda melah, nanging ké uli mamaling tulia racun, merta matemahan wisya. Bapa anak belog, bani ja nundunin Nyoman anak suba kedat. Matingkah di désa anak mula kéweh, nanging aluh yén suba patut ban nyeburin. Dipelihé baan, bisa anaké salah tampi keneh beneh kadéna degig."
Nyoman Sadra : "Beneh pesan apa ané orahang Bapa. Anaké di désa ajak pasrah pesan Bapa, anak lamun yané. Tusing pesan dadi ajak maboya-boya. Yén acepok suba nguluk-nguluk kayang numitis buin cepok sing guguna."
Pan Nérti : "Apa ané suba laksanaang Nyoman di désané ené, sing ja ada anak ngrimik kéné-kéto, tingkah Nyoman mula asih turin olas, ngardi jagat apang rahayu, tuara ngitung peteng-lemah sai astiti,
