||l Drama Bail Anyar
bedak pesan..., kadén Luh bakal énggal nulungin Bapa, malah Bapa sing ngaba caratan."
Luh Nérti : "Kadung Beli Nyoman teka, Pa."
Pan Nérti : "Kemo dong énggalin jemakang Bapa caratan. Bapa bedak pesan."
Luh Nérti : "Nah Pa." (Magedi nyemak caratan)
Pan Nérti : (Negak di plangkané) "Yén sing kedasang padangé jeg menék sidemé liu pesan."
Nyoman Sadra : "Nagih apikin mula Pa, apa buin cengkéhé mara nyumunin mabunga, mara malajah mabunga, patut preténin pesan cara mreténin anak cerik abeté."
Pan Nérti : "Ah....., saja mula kéto."
(teka Luh Nérti ngaba caratan cenik)
Luh Nérti : "Nih...., Pa."
(laut makenyem manis tekén Nyoman Sadra)
"Beli...., tiang bakal nulungin mémé di paon."
Pan Nérti : (Nyerét yéh)
"Binjahan suud nyakan ingetang nyén nulungin Bapa ngedasang padang di batan cengkéhé badauh."
Luh Nérti : "Nah Pa." (Laut magedi makaad ka paon)
Nyoman Sadra : "Sing ada priret-priret don cengkéhé Pa."
Pan Nérti : "Ajanian sing ja ada tepukin Bapa."
Nyoman Sadra : "Baan lad panesé makelo nyak priret doné, cara cengkeh makelo di Malet Gedé."
Pan Nérti : Usak yén doné priret."
Nyoman Sadra : "Cara juuk ja masi Pa. Usak bakal bungané yén doné liu priret. Nanging di gunung dini cocok cengkéhé Pa. Sing ja dingin pesan.
Pan Nérti : "Bapa dot pesan apang énggal maan ngalap asilné. Kéné makelo baan mreténin."
Nyoman Sadra : "Mula saja Bapa... cengkéhé mula makelo pesan nepukin asilné. Yén sabar tur tlatén Pa... ragané
165
