Makudang-kudang Drama Bali
Mén Nérti : (madehem..., macekohan)
"Yih..., dadi tengilang Beli Nyomané..., nang seduhang kopi apa malu. Kadén ada séla di grobagé."
Nyoman Sadra : (Sada kebilbil ajak dadua)
"Suba Mé..., magenep suba tiang maan. Kopi maan séla masi maan."
Luh Nérti : "Beli Nyoman nak kanggo séla malem, séla gunung."
Nyoman Sadra : "Legit pesan Mé tur manis pesan."
Mén Nérti : "Kanggoang di gunung, tuah ada séla. Mémé enu répot di paon, kanggoang ajak Adiné malu. Bapan nyai kondén teka Luh?
Luh Nérti : "Kondén Mé."
Mén Nérti : "Mémé enu répot di paon. Antosang ja malu, binjahan dogén Bapa teka!" (Maklieng buin magedi ka paon)
Luh Nérti : (Makenyem nguntul) "Ah....!"
Nyoman Sadra : "Dadi Adi kenyem-kenyem."
Luh Nérti : "Engsap tiang tekén mémé di paon."
Nyoman Sadra : (Kedék) "Katara malingé.”
Luh Nérti : "Malingé bes wanén, lemah-lemah maling."
Nyoman Sadra : "Yén suba ngaat sing nolih ka samping"
(Kedék ajaka dadua, laut ada anak makrésékan teka, Bapan Nérti teka ngaba arit).
Luh Nérti : (Sibarengan makesiab)
Nyoman Sadra : "Yih....Bapa."
Pan Nérti : "Nyoman...., tuni suba teka."
Nyoman Sadra : (Sada kabilbil) "Tuni ja suba gigis Pa."
Luh Nérti : "Uling tuni ngantosang Bapa, ené kadung ada séla mlablab, bang tiang séla mlablab ragané."
Pan Nérti : "Kanggoang Man séla-séla dogén..., ené Bapa kadung iteh ngedasang padangé di batan cengkébé. Caratané dija Luh...., uling tuni bapa
