|| Drama Bali Anyar
Luh Nérti : "Nyén lénan buin yén sing I raga ané bakal nglanturang pawangunanné di désa. Dinané mani-puan tuah gelah I raga."
Nyoman Sadra : "Mula i raga ané patut nyemak sakéweh-kéweh désané ajak krama truna-truni di désané dini."
Luh Nérti : "Mula saja kéto Beli. Ené daar sélané Beli, dadi Beli bengong, sélané éné mula Beli bakal bang tiang."
Nyoman Sadra : "Nguda dadi adi jail, Beli sing bani naar, anak Adi ané ngaba."
Luh Nérti : (Makenyem tur ngejuhang sela ka bibih Nyoman Sadra)
"Mula tiang ngaba nanging Beli ané ngelah tur patut naar."
Nyoman Sadra : (Ngisi liman Luh Nérti)
"Aduh Adi....atman Beli."
Luh Nérti : Dadi enu dogén Beli sangsaya."
Nyoman Sadra : "Sangsaya di tresnané ento mula kaadanin tresna sujati".
Luh Nérti : "Tiang tuah Beli ngelah."
Nyoman Sadra : "Beli tuah Adi ané ngelah."
(Saling ngurut lima..., Luh Nérti bakal madaarin sélané ka Nyoman Sadra laut ngisi liman Luh Nértiné makenyem manis maduluran kasih).
Luh Nérti : "Beli tiang jlema, eda nyen Beli nyakitin tiang."
Nyoman Sadra : "Adi lan bareng-bareng, nyalanin segara idupé. Jelé-melab bareng-bareng tindihin, ngaé nasib tur dinané ané bakal teka apang melah."
Luh Nérti : "Beli..., tiang tuah nut aidupan, ngayahin Beli nganti mati. Nah Beli....daar anaké sélané ené!"
(Madaarin séla..., kagutgut baan I Nyoman Sadra).
Nyoman Sadra : "Adi tuah ané bakal ngayahin beli aidupan...!"
(Sedek masih-asihan sareng kalih, teka Mén Nérti nyeeb uling samping kubuné).
163