Makudang-kudang Drama Bali
kénkén carané makebun modérn, ngatur administrasi désa, maang kursus kéné, maang kursus kéto...."
Luh Nérti : "Ané maang kursus PKK ajak Keluarga Berencana pidan Beli."
Nyoman Sadra : “Aa………., ento suba.”
Luh Nérti : "Mula saja yan kakeneh baan tiang Beli, nyén buin yén sing ragané ané nguda-nguda kekéné. Ngardinin désané, jelé-melah idupé mani puan, patut ragané ané nyemak tur nglaksanaang uli jani."
Nyoman Sadra : "Patut pesan munyin Adiné, cara slepa maan tekepné, asané idup Beliné, pakeneh Adiné amending sing lémpad tekén pakeneh Beliné."
Luh Nérti : (Sada ngambul). "Sangkal eda naké Beli ngorahang, ragan Beliné cara anak nyorog rombong saté. Yén Beli nawang keneh tiangé.... Bonné barangnė mula Beli ané ngelahang."
Nyoman Sadra : (Nglemat tur alus munyiné ngasihin).
"Eda anaké pedih... sing lung sing anaké ané demen pedih énggal tua nyen."
Luh Nérti : "Bes kéto Beli mamunyi sebet keneh tiangé."
Nyoman Sadra : "Mula kanggoang Adi...Beli bakal idup di désa dadi petani tusing bakal dadi pegawé."
Luh Nérti : "Tiang sing nyangetang baan entoné Beli."
Nyoman Sadra : "Lega pesan keneh Beliné nampi paidepan Adiné.
Beli nyadia bakal mayah utang tekén mémé-bapa yadiapin Beli tusing dadi pegawé. Beli bakal ngetohang urip mlaksana membangun di désa."
Luh Nérti : (Nyemak séla laut melut)
"Yan kanggoang Beli, tiang nyadia ngiring."
Nyoman Sadra : "Eda ja Adi bolak-balik, Adi tuah bungan atin Beliné, lan bareng-bareng ngastiti ngardinin désa."
