|| Drama Bali Anyar
Luh Nérti : "Méh nyen Beli, apang ada orahang Beli."
Nyoman Sadra : "Buduh paling mlingser kasemaran."
Luh Nérti : (Kedék) "Ané... liu anak buduh di Rumah Sakit Bangli."
Nyoman Sadra : "Ah.... Adi, eda naké banggi, Beli tuah nyadia pesan, ngantosang munyi pragat. Beli tuah beblakasan ngomong, nyibak nyepeg, beli sujati tresna tekén Adi."
Luh Nérti : "Ah...." (Madekesan dogén).
Nyoman Sadra : "Dadi Adi nengil dogén ... dong sautin munyin Beliné.... Beli tusing bisa ngomong, kéwala keneh Beliné momo pesan. Apa miribang Beli nyorog rombong saté uling pidan, maan ngadek bo dogén."
Luh Nérti : "Eda ja Beli ngomong kéto...tiang lacur, apang nyén sing Beli nyelsel di mani-puané. Bunga mawar gunung énggal layu, énggal aas."
Nyoman Sadra : "Yapin aas ia bunga-sumpangang."
Luh Nérti : "Nanging Beli..., tiang dini..., dini..., Beli suba nawang, tiang pianak luh tuah aukud. Beli sugih...."
Nyoman Sadra : "Baan entoné suba kakeneh baan Beli, Beli sing ja lek orahanga paid bangkung, ené suba kadung pituek keneh Beliné, bakal idup di désa, ngardinin désa apang nemu melah gemah rimpah di mani puané."
Luh Nérti : "Apa Beli sing nyelsel, makelo Beli masekolah, Beli tamatan tegeh, dadi Beli mabalik buin ka désa, mabalik kolot idup ajak wong tani. Yén anaké buka tiang, jlema anak suba karatan."
Nyoman Sadra : (Nyiup kopi)
"Beli lek turin jengah, dadi anak lén saat pesan ngaé tur ngardinin désan ragané apang melah. Ento tepuk di Désa Sulahan, anak truna uling Ujung Pandang dadi tenaga sukaréla, magaé tusing ngitungang kenyel maangin panerangan
161
