Makudang-kudang Drama Bali
usaha tur tuyuh Béliné, ngurusang, ngemaang panerangan karama désané dini, ngaliang rabuk kanti nyilihang pipis di Bank, kanti mabunga cara jani". (Nyeledét tur makenyem manis).
Nyoman Sadra : "Ah.....eda nak kétoanga malu. Ento mula kawajiban beliné tur cita-citan beliné, ngardinin désa apang melah di mani-puané".
Luh Nérti : “Bapan tiangé sanget pesan mapaitungan tekén Beli".
Nyoman Sadra : "Apa buin tekén bapa dini. Yén dadi baan Beli...., nak cara ngurus déwék belinė”. (Lub Nérti nguntul duén)
Nyoman Sadra : "Kéné Beli lacur... nah yén baan laksana tur pepineh belog...sanget pesan edot keneh Beliné apang énggal maan ngémpok bungan cengkéhé."
Luh Nérti : (Nguntul mrasa lek) "Daar ja malu sélané Beli....
Nyoman Sadra : "Nah..." (makenyem) Beli mula bakal ngidih pesan."
Luh Nérti : "Kéwala kanggoang Beli... séla gunung ia gedé ongol-ongol. Rasané campah."
Nyoman Sadra : "Sing ja makejang séla gunungé gedé ngamong kang, nanging ané gisi Beli ené, séla malem, legit tur manis ngenyudang manah".
Luh Nérti : “Eda ja Reli ajum, Beli biasa di Negari" (Negari cara gunungé ben ngorahang kota) "Ditu biasa, ada jaja roti, aluh meli tur élah milihin. Nanging dini di gunung, makejang sarwa séla tekén jagung". (Nyoman sadra ia bengong).
"Beli Nyoman... dadi bengong..., inem ja kopiné... kanggoang kopi gunung, paitan gigis."
Nyoman Sadra : (Enggal nimbal)
"Yadiapin kopi gunungé paitan agigis... nanging asli pesan. Yén di negari kopiné liunan macampur. Krana keto, Beli buduh pesan tekén kopi gunung. Ngiket keneh tur muduhin."
