|| Drama Ball Anyar
malu ngejang kal jukuté." (Nengok Méméné uling samping kubuné)
Mén Nérti : (Sada karasa makesiab) "Yih... Cening Nyoman, tuni suba dini".
Nyoman Sadra : "Tuni suba mé... med tiang jerat-jerit tusing ada nyén. Yén maling... kedas barang-barang Méméné."
Mén Nérti : "Apa palinga anaké ka umah méméné. Sing ada nang bedag."
Luh Nérti : "Bes sajaan pesan Mémé, monto I Beli jerat-jerit makaukan tusing masaut nang abedik Mémé."
Mén Nérti : "Tungkulang Mémé kepras-keprus ngupinang api, sakit kanti matané dedel andus. Jeg bongkol dadap jangin Luh.... Negak ja malu Ning, sing gaénang kopi tekén adiné?”
Nyoman Sadra : "Tiang perlu ngalih I Bapa.”
Luh Nérti : "Negak ja malu Beli."
Mén Nérti : "Bapa nak ngiskis padang badauh di samping badan sampiné. Cengkéhé bet tumbuhin padang. Negak ja malu Man... mémé bakal ka paon."
Luh Nérti : "Negak jamalu Beli, tiang ngejang kéné duén malu jahan." (Luh Nérti ka paon, Nyoman Sadra negak di plangkané) (Suara suling semarandahana).
Nyoman Sadra : "Ah......nyak masi ngrembiak bungan cengkéhé. Dumadak ja apang suéca kawiné, ngicén panugrahan apang melah buah cengkéhé." (Teka Luh Nérti ngaba kopi tekén séla).
Luh Nérti : "Apa ané kenyem-kenyemin Beli" (Ngejang kopiné tekén sélané tur negak di samping Nyoman Sadrané),
Nyoman Sadra : (Nuding ka abian).
"Nang tinggalin Luh... ngrembiak pesan bungan cengkéhé. Liang keneh beliné, nepukin cengkéhé kakéto."
Luh Nérti : "Nyén naké sing liang di désané dini Béli...., Krana159
