Makudang-kudang Drama Bali
Mén Koyogan : "Nah." (Laut magedi).
Mén Nérti : "Yih... kénkén apiné... puun nyen umahé."
(Sada mlaib nuju ka paon).
Undagan II
(Suaran kedisé uyut katimpalin antuk suaran tembrérétab tur suaran crétnong). Teka anak truna madan Nyoman Sadra, kilang-kileng baan pondok Pan Nértiné sepi pesan.
Nyoman Sadra : (Makeengan padidiana)
"Yih... dadi sepi. Kija ya anaké dini."
Nyoman Sadra : "Pa Yan...." (sepi sing ada nyautin)
Nyoman Sadra : "Mé...." (sepi sing ada nyautin).
Nyoman Sadra : "Pa Yan... Pa Yan... yah... kénkén sepi pesan dadi dini, kija ya anaké dini semengan sing ada."
(saab-seeb ka kubuné)
Nyoman Sadra : "Luh... luh... luh."
(Teka Luh Nérti uling abian ngaba soksokan misi don muncuk waluh).
Luh Nérti : "Yih...., Beli Nyoman, tuni suba Beli teka?"
Nyoman Sadra : "Gépé Beli jerat-jerit, yén plikesang andukné, kambené meh sing tawanga bedag. Nah kija ajak makejang dadi semengan suung."
Luh Nérti : "Mémé anak jumah, ragané di paon nyakan. Negak ja malu Beli."
Nyoman Sadra : "Bapa anak kija né?"
Luh Nérti : "Bapa di abian ngorahang ngedasin padang di batan punyan cengkéhé dauh. Sideman liu pesan Beli."
Nyoman Sadra : "Badauh dija?”
Luh Nérti : "Badauh... di samping badan sampiné. Negak ja malu, seduhanga kopi, Beli."
Nyoman Sadra : "Beli mara pesan suba."
Luh Nérti : "Né... Beli, tiang ngukus séla." Negak ja malu Beli, bin jahan ja sig bapané. Tiang bakal ka paon158