Makudang-kudang Drama Bali
Janiné. Tiang sing ba nawang apa, koné rebuké ento pis baan nyilih di bank. Awanané bapané dini paling ngenehang utangé. Bas makelo mara mabunga, mara miribang bakal nepukin asilné."
Mén Koyogan : "Mula kéto, apa ané mara tumbén jemak anak mula kéweh."
Tiang koloté kliwat, nanging yén krasaang baan tiang bandingan tekén cara pidan ragané ngandelang séla duén, miriban yén lasia cengkéhé mabunga dingeh tiang cengkéhé duang tali rupiah koné akilo... dumadak ja Kawiné suéca... cerik-cerik emboké, cenik-cenik tiangé miriban bakal nemu idup ané sada melah.”
Mén Nérti : "Dumadak ja apang saja kakéto, tiang suba lacur idup, apang panaké nepukin ané melahan apa bedik.
Mén Koyogan : "Idupé mula cara pedati, jani betén buin pidan ba duur, pidan baduur jani ya betén, nanging makejang mesti kadasarin baan laksana".
Mén Nérti : "Yén alih, ulih tingkah laksana, yén suba laksanané patut tur madasar ané melah, sing ja betén duén tongosé. Laksanané mula mungain idupé, yan laksanané melah... patutné melah katampi, yén laksanané jelé tan urung jelé katampi."
Mén Koyogan : "Saja mula kéto."
(Teka Luh Nérti, nyangkil soksokan cenik bakal ngémpok don muncuk waluh. Maankregan ia ajahan baan ada tamiu semengan pesan).
Luh Nérti : "Yih... Mé Yan... tumbén pesan semengan. Apa miribang ada, tumben singgah".
Mén Koyogan : "Béh... bajang suba Luh... makelo mé Yan sing taén mai. Bakal kija ngaba soksokan?”
Luh Nérti : Tiang bakal ngempok muncuk don waluh anggon jukut".
Mén Koyogan : "Béh... anteng pesan, anak jegég nénénan, pantes liu truna-trunané ngrimikang".
