Makudang-kudang Drama Bali
Luh Nérti : "Nanem Cengkéh mara nyumunin Pa... cara mreténin anak cerik raré mara lekad."
Pan Nérti : (Nyiup kopiné tur buin nyangih aritné)
"Mula kéto Luh... ketil pesan. Né... mémén nyainé ngudiang sing teka-teka."
Luh Nérti : "Miribang tiang sambilanga ngalih bun séla di abian delod."(Bakal nyemak lumur kopiné wiréh suba tepukina puyung).
"Bapa..., suba suud né?"
Pan Nérti : "Suba...., aba suba ka paon!"
Bin jahan ingetang nulungin bapa nelahin padang di batan cengkéhé."
Luh Nérti : "Suud tiangé nyakan Pa."
Pan Nérti : "Nah." (Bangun nguadang bangkiang sambilanga ngusap-ngusapang aritné mangan apa tusing).
Luh Nérti : "Ané dija bersihin tiang Pa."
Pan Nérti : "Ento ané samping badan sampiné."
(Teka Mén Nérti nyuun jun sambilanga ngaba papah tuh) (Sabengné nu ngencér masemu pedih tur masem)
Luh Nérti : "dadi makelo pesan Mémé di kayehan."
Mén Nérti : "Tumbén liu anaké di pancoran." (Laut nuju samping kubuné bakal mréokang yéhé).
Lub Nérti : "dadi Mémé nyebeng duén" (Sambilanga ngekel lumur bakal ka paon).
Pan Nérti : "Tawang pedih duén".
Mén Nérti : "Nyén anaké sing gedeg basangné, kondén masugi suba ngredek baanga munyi".
Luh Nérti : "Eda ja buin lantanganga Mé.....lek atiné dingeha tekén pisagané".
Pan Nérti : "Nah suba liwat depin suba, ené arité suba tepuk icang, kopí masi panaké suba nyeduhang".
Mén Nérti :"Apa ja kitané, jeg sing dadi adéngang".
Luh Nérti : "Mé....nengil naké Mé.....mendepang suba......
