|| Drama Bali Anyar
Pan Nérti : "Dumadak apang énggal mabunga cengkéhé, suba liu pesan mutang belin rabuk.”
Luh Nérti : "Sidemě liu pesan menék ka punyan cengkéhé Pa."
Pan Nérti : "Beténné bet, ento suba ngranaang sidemé liu menék, awanang tulungin Bapa ngabut padang betén cengkéhé. Mamaan kucit suba ngelah?"
Luh Nérti : "Mara ibi abasin tiang don kladi, kanti buin puan genep mamané Pa."
Pan Nérti : (Melut séla tur nyiup kopi)
"Luh... payu bakal adep céléngé kayang Galungané"
Lub Nérti : "Yén sing adep, apa anggon tiang meli kamen tekén nebus kalung tiangé ané magadé."
Pan Nérti : "Nah....adep ja, kanggoang malu yasaang ené cengkéhé, suba nyumunin mabunga."
Lub Nérti : "Dumadak Ida Sang Hyang Prama Kawi suéca... cengkéhé apang mabunga tur mabuah becik."
Pan Nérti : "Sangkalan eda pegat-pegat nunas pasewécan Ida Sang Hyang Prama Kawi, mangda Ida asung wara nugraha, ngicén panugrahan apang raga slamet tur payu masi paoné makudus."
Luh Nérti : "Dumadak ja Pa... cengkéh ragané yén bandingan tekén cengkéh anak lénan sing ja kalah Pa."
Pan Nérti : Untung masi ada Nyoman Sadra...."
(Luh Nérti nguntul sada lek mara bapané ngorahang Nyoman Sadra? Panak kliané ané maang tur nganjurang bapanné nanem cengkéh)
"Ané terus nuntun tur ngorahin Bapa, kénkén caran nanem tur mliarà cengkéh kanti mabunga cara jani."
Luh Nérti: "Cengkéh Kliané nged pesan bungané. Dadi ngon-ngonan di désané dini."
Pan Nérti : “Carané nanem nganutin patunjuk-patunjuk pertanian tur teratur masi ngrabukin."
