Makudang-kudang Drama Bali
ngandong saput grenong).
Pan Nérti : "Béh.....aéng cecekéran nyainé semengan" (Makenyem désem) "Bakat ja baan nyai nanjekang Sinom Siladriné."
Luh Nérti : "Anak kéto ya leg-legan timpalé ajak makejang. Kénkén béngor Pa?"
Pan Nérti : "Sing béro sing... lung suba kéto, demen bapa ningehang. Né... kén kopin bapané?"
Luh Nérti : "Ndén malu Pa... jani miribang suba panes yéhé." (Laut macelep ka paon).
Pan Nérti : (Nyemak arit tur nyangih di samping sakané).
"Aduh Déwa Ratu....., dados makélo pisan panesé....buin pidan pacang tuun ujan ...."
(Makeengan cara anak nunas ica)
"Puniki cengkéh titiangé makedapan mabunga....Aduh..utang titiangé sampun liu pesan numpuk." (teka panakné ngaba kopi tekén séla matambus).
Luh Nérti : (Mangkregan)
"Dija jang tiang kopiné Pa?
Apa di plangkané jang tiang?
Mrérén ja Bapa malu magaé!"
Pan Nérti : "Depang suba dini jang!"
Bapa demen betén. Ené ....mémén nyainé kija?
(Luh Nérti ngejang kopiné di samping bapané negak)
Luh Nérti : "I Mémé na ka pangkungé kayeh."
Pan Nérti : "Tuni pesan suba....dadi séla kekéné tambusang Bapa, séla waluhé telah."
Luh Nérti : "I mémé ibi nglablab, abana ka umah dangin."
Pan Nérti : "Bét ja nyanan buin, ditu di samping badan sampiné suba wayah pesan. Bin jahan suud nyai tulungin Bapa mersihin padangé di batan punyan cengkéhé."
Luh Nérti : "Nah Bapa."
