| Drama Gong
tur rapi, ilén-ilén né mapalih pisan).
Dandanbéla : "Paman Patih, adaang panyambutan di bencingah. Ingetang apang lega pada tamiuné teka. Tegepang sarwa atur-aturané ngawinang liang idep."
Warjawa : "Nunas lugra titiang, Ida wau rauh? Nunasang Prabu saking dija ngrauhin."
Jawi : "TitiangPrabu Kediri, Ratu Anak Agung."
Dandanbéla : "Durus-durus, rahayu rauh. Aturin titiang malinggih sinambi nawegang, puniki sira?"
Prabu Legi : "TitiangBupati saking Legi, saking panegara Bukit Munggi Nusa."
Dandanbéla :"Oooooo, saking Nusa Penida, aah, ah, ah ... rahajeng-rahajeng... durus malinggih. Paman Patih aturin Ida wédang, aturin!"
Prabu Jayapura : "Om swasti astu!"
Dandanbéla : "Om swasti astu, manawi nénten iwang Ida saking Lombok. Mugi rahajeng, malinggih-malinggih. Druéang...! Béh ... néné... para bupala Jawa, Sumbawa, téééé marérod-rérod saha larapan-larapan tan dugi kasinahan Ida iring masemeton dija kadén aba liang idepé buka jani ..... Ainggih boya panjang atur wantah nyuksemayang pisan daging rauhé.” (Sesek ebek ring tengahing puri kaduluran suara genta sang pandita ngamargiang daging upakara-upakara pabuncingan Ida Radén Kertapati kairing antuk I Galuh Ajeng. Suaran gendér ngalup-ngalup, kasarengin rengih riris semar pegulingan. Sakaten tan dugi mangiringang ida makecihna ratu luwih. Nanging, Ida tanpasana dana ributé umiang nyingak Radén Kertapati tedun saking singasanan Ida rikala mabuncing, saha nyangkol arin Ida Prabu Pancala magentos rupa mandados Ni Nyoman Sekar).
Radén Kertapati : "Yih, ngudiang marérén gongé nabuh? (raris kacingak) Yih, Ni Nyoman Sekar Adi, né? Aduh Nyoman, Nyoman! Uli makelo baan Gelah ngalih
