Makudang-kudang Drama Bali
Mai Cening, mai Cening!"
Galuh Liku : "Melah-melahang, nasi dogén baang I Cening Kertapati. Jani baas maal."
Pretéka : "Dados kénten Anak Agung Biang? Yén sing Ida ngongsokang Ida Kertapati, méh-méh sing nyak marabi."
Galuh Liku : "Sing-sing, ajak ba, ajak suba."
Kertapati : "Sampunang asapunika Biang. Indik beras panegara Pancala ten kirang-kirang. Panegara gemuh, aman saha bala akuwéh. Manawi nénten repot,Biang."
Dandanbéla : "Né, I Adi Galuh tawah-tawah satuaanga. Suba teka I Cening macem-macem ortaanga. Mara sing ada, apang alih ja."
Galuh Ajeng : "Li li li ... jalan ngantén, jalan ngantén. Nyanan nyak, nyanan nyak!"
Kertapati : "Adi ... sing nglek-lekang déwék. Né ada tamiu, da kéto, Adi. Nyanan tawang anak, pedas buduh-buduhan orahanga. Da kéto!"
Dandanbéla : "Kéné jani, sregepang suba dinané buin limang dina. Aji lakar ngundang sakancan para ratu luwih tur pitung dina ngadaang ramé-ramé .... Paman Pretéka. Tundén ia Ki Patih Warjawa ngatag panjak Gelah. Magilir ngayah, jujukang bangsal-bangsal, ngaé surat édaran nyihnayang pabuncingan pianak Gelah buin limang dina jani."
Pretéka : "Boya tempal titiang a Ratu Déwa Agung. Titiang ngalungsur mapamit!"
Warjawa : "Paman-Paman ajak lelima, élingang pangandikan Ida Déwa Agung, da sampé keciwa ditepengan ngadaang karaméané di puri. Bangsal gaé apang rapi, igel-igelan gaé tekaang apang da ngeciwaang, ajeng-ajengan, inum-inuman gelarang apang melah. Ingetang jaga kawibawan Ida, da lenga, waspada pada." (Sesuén ipun tigang raina sami sampun seregep saha papajengan ageng-ageng