I Drama Gong
ngaruruh ia Ni Nyoman Sekar."
Antariksa : "Sampunang Beli Agung sumenia, jag bérés gampang antuk titiang Beli Agung." (Tan kocapan, mamargi reka sareng tiga, tangkil ring Ida saha atur alus becik jagi ngiring marabi ring Galuh Ajeng. Tan dugi-dugi kénak pakayunan Ida makakalih, biang rauh ring aji).
Paos IV
(Magejeren kéngin panegarané antuk kagengan karyané ring puri apan Ida
mraga Agung luih, pangundangané ngatag ratu luwih joh paak, sawengi-wengi kawentenang tontonan Arja, Gambuh, Calonarang ngarauhang ilén-ilén mautama saking doh-doh. Daweg punika kapandikayang naler Prabu Antariksa maturan sesolahan, raris ... kacabut kéngin tombol Ida ngaraga, metu sinah mandados Ni Nyoman Sekar).
Dandanbéla : "Adi, né apa I Cening teka...! Inget masi Ida teka dina panganténané ané buin pitung dina jani. Ento apa ia."
Galuh Liku : "Mimi ... sing kodagé, sing kodagé ... Jani gantin pianak Gelah mabuncing. Ning, Galuh Ajeng, medall Déwa, medal!"
Galuh Ajeng : "Nunas lugra titiang Aji, Biang, pada."
Dandanbéla : "Mara adi Cening teka? Uli makelo baan Aji ngamé-ngamé. Kija pamargin ceningé kija? Paman mara teka?.... Ento nyén kajak bagus pesan?"
Pretéka : "Puniki Prabu saking Pancala, sampun kasihnayang Ida masemeton."
Dandanbéla : "Kénkén undukné dadi kangkenin manyama?”
Kertapati : "Sapuniki Aji. Titiang maséwamara, sané ngawéntenang séwamarané puniki, Prabu Antariksa. Panegara Ida mawasta Pancala. Titiang sidakarya mawanan Ida nyerahang panegara, rauh Ida misadia nyokor. Raris padalem titiang anggén titiang adi, sapunika."
Dandanbéla :"Béh sedeng melaha ada masi ajak Bapa mawirasa.
139
