Makudang-kudang Drama Bali
Nyoman sing tepuk-tepuk. Kénkén kajatiané?"
Galuh Ajeng : "Beli Agung, nyén ento Beli? Mai Beli,mai, haaaa, aaa, haaa, aaaa, aaaa, Biang ... Biang...."
Galuh Liku : "Yih, ada apa...? Dadi ngeling? Meneng meneng! Katawang tamiu liu."
Galuh Ajeng : "Aaaaaa, aaa, aaaa ... juanga I Beli Agung, juangaaaaaaa."
Galuh Liku : "Nyén nyuang ...?"
M. Dandanbéla : "Dadi rebut Cening? Apa kuang? Da ngeling katawang tamiuné abias pasih. Mendep-mendep." (suarané sadah igis).
Galuh Liku : "To to... bagbagé sing banga rebut aaaa, aaa, aaa... aduuuh." (Raris I Galuh Ajeng maguyang tamiuné ida sang rauh uning ring sipta raris pacelupcup mapamit).
M.Dandanbéla :"Ooooooo ... mara pedas. I CeningKertapati sagét bani ngawé wicara jelé.Pianak nagih nyempéléng. Naah! (raris Ida ngunus keris). Cening Kertapati, sing madaya Cening bani ngécangan kawibawan Ajiné. Mara Aji tau, ulian Cening mawanan Aji téga nyabut jiwan Ceningé. Né rasanin, aaaaaaat ... " (Kacanggelak tangané antuk I Galuh Ajeng tur ngandika matur pamuu).
Galuh Ajeng : "Ajiiiiiiii, mangkin dumun Aji. Pikayunin dumun, mangda sampun Aji nyelsel kuri."
M.Dandanbéla :"Béh, nyai Galuh Ajeng, mapidabdab ké Ida? Sing ke Ida bareng jengah? Yangkan amoné pidabdabé, buung iba ngantén, masi nu mesuang kekencan. Yen amoné unduké kuang jengah, kuang jengah? Yaaaaaaaaaat ...."
Nyoman Sari : (Kagelantingin antuk Ni Nyoman Sekar). "Aji ...,Aji ... alon-alon dumun!"
Dandanbéla : "Ih ...! Iba wong nista, wong alasan iba. Dadi maaji-aji tekéning kai. Uli dija sangkaning tau iba, mabapa tekéning kai?" (raris kagampés Ni Sekar runtuh, kasaup antuk Radén Kertapati).
