Leak Pemoroan | 33
suksma ring Ida Sang Hyang Ibu Pertiwi sané ngendagang sarwa merta, ané penting sabatakin pikolih mula iraga masyukur tekén pican Ida Sang Hyang Prama Kawi.
Nang Locong mula setata dadi talenan pakéweh. Uling sukat ya majedog dadi jelma baana mapasuwitran tekén ané madan duka, kasangsaran, sebet, kuciwa, lan sakit ati, kuala suka tuah abedik rasaanga. Ento makejang dadi rabuk, dadi andil, dadi paplajahan utawi dadi guru. Pakéwehé totonan kacatet olih krama dangsa utawi mémorinné, sangkala
Nang Locong tuara ja taén miaselselan tekén saananin jelé melah, bagia kalawan melarat, sawiréh setata magilir, jani engkes bin mani kembung utawi mbet, cutetné makejang totonan tekané saluh genti, mapan totonan mula aban-aban karma uli imaluné, ento koné madan pangaban rwabinéda panumadian. Ané makada ia kuat buka kéto, inget tekén pajalan idupné di guminé uling maluné bana mamiyut. Dugas totonan gaginanné sawai-wai nguber tetajen, nguber cekian, kelesan,capbeki,pinceran,bola adil, apabuin cara janine ada lotré utawi buntut, cutetné setata ia nguber palalian/judian. Tajéné sadina-dina ada, yén jani ada di Pemedilan bin mani bisa ada di Karangasem, Pengerébongan utawi di Tabanan, kuala dugas totonan madan tajén terang, maksudné, artinné tajén ané ngelah ijin uli pemerintah wiadin kepolisian. Ento makada Nang Locong tusing taén pati pules jumahné, mapan ya mamuduh momotoh/ momo bakat tohin. Ané paling sanget ngranang ia mamuduh judiané carajaniné ané madan nomer. Sasukat ada judian togél Nang Locong jag tusing suud-suud ngerumus tur ideh-ideh ngalih tongos ané tenget, ditu ia mapinunas tengah lemengé, tatujoné apangada pawisik nomer kuda lakar pesu priodané ané lakar teka. Anak mula keto, lamon suba mamuduh dadi babotoh/ pejudi, tusing ja ada anak bani ngandegang wiadin nglémékin.
Mén Locong kanti bincuh ngalih pangupajiwa apang nyidayang ngamertanin pianakné dadua luh muani. Sai-sai Mén Locong sedih kingking padidiana ngrambang
