Leak Pemoroan | 29
ane bakatanga teken muaninne dugas ipuane. “Sing..., singliu! Tuah kroblah tali rupiah dogenan anggon meli jatone, joh ngalih totonan nak di Denpasar tongosne sig umah Sinshene ane mukak toko di Dajadauh Yang Batu Kauh-e. Keto pasahutne Jero Balian sambilanga manggutan nudingang tongos negak teken tamiune ane marateka tangkil masi lakar nunas tamba.
Men Kapsul mukak babuntilane lantas mesuang pipis krobelah tali rupiah enjuhanga teken Jero Baliane. Jero Baliane nampi sambilanga makenyir jaran anggut-angegut, anak mula pongah ngetuh.
“Nah bin puan semengan dauh telune alih ubade mai. Ne jani ne ada paica ubad tetakehan, orahin nginum malu anggon pamlepeh apang tusing sanget cepet pangerabdan cetike di tengah.”
Pan Kapsul ajak Men Kapsul enggal-enggal mulih ngaba ubad tatakehan abotol paican Jero Baliane. Teked jumah dapetanga Luh Cablek utah-utah di meten. Raris ubade kainum asloki selid sanja, kuala penyukane tileh tusing ada perobahan. Panumayane suba teka lantas Pan Kapsul nangkil malih nunas tambane. Baliane suba nyediang ubade lantas abana mulih. Sawatara aminggu ubade ane kicen tuara ada pangrabdane, jag tileh pianake utah-utah kanti berag.
Jero Balian paningalane ngicir sambilanga ngempeng angkihan namping daksina gede mawadah dulang diaepane, pasepane andusne makudus mabo miik malikuban ngebekin kamar sucine. Sayan-sayan makelo Jero Balian mamegeng mesikang keneh kayang kumisne nguntul, sayan mapulungan kenehne tumus ring jagat sunia. Sagetang Jaro Balian kerauhan tur ngandika.
“Cening..., cening Pan Kapsul, keto masi Nyai Men Kapsul. Sajatine pianak nyaine ane pinunasang nyai anak boya ja sangkaning kena cetik. Ne manira Dewa Hyang ngandikain Cening jani. Suba uling makelo manira makita mabaos teken Cening, ne jani mara mrasidayang katemu. Cutetne Cening eda suba mailehan ngalih balian. Ne
